أيث-ؤفسوس 2:12 - ثريفيث 2020

¹² عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.

أيث-ؤفسوس 2:12 ပူးပေါင်းရင်းမြစ်များ

لوقا 1:72

أَذ د يسْمظْهَار اَرَّحْمث نّس إِي زِي يوْعذ ڒجْذُوْذ نّغ، أَذ يعْقڒ خ ڒْعَهذ نّس يقدّْسن.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 15:5

نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

يوحنا 4:22

كنِّيو ثْعبّْذم ونِّي وَار ثسِّينم شَا، نشِّين نْعبّذ ونِّي إِي نسّن مِينْزِي اَسنْجم يكَّا-د زݣ يسْرَائِيلِيْين.

ڒخذايم 2:39

لِأَنَّا يُوْشَا-اَوم ڒْعَهذ إِ كنِّيو ذ ثَارْوَا نْوم ذ مَارَّا يِنِّي يݣّْوْجن، يعْنِي إِ مَارَّا يِنِّي إِي خف د غَا يڒَاغَا سِيذِي أَربِّـي."

ڒخذايم 28:20

إِذن خ مَانَايَا تَّارغ-كنِّيو اَكنِّيو ࢲرغ اَكِذْوم سِّيوْڒغ. أَقَا عْلَاحْسَاب لْأَمَل ن أَيث-إِسْرَائِيل إِي تْوَاشدّغ س سّنْسْڒث-أَ."

ڒخذايم 3:25

كنِّيو ذ دُّوْرِّيث ن لْأَنْبِيَا. كنِّيو ذ ثَارْوَا ن ڒْعَهذ نِّي إِݣ يݣَّا أَربِّـي اَك ڒجْذُوْذ نْوم. ينَّا-ٱس أَربِّـي إِ بْرَاهِيم: زِي دُّوْرِّيث نّش إي زِي غَا بَرْكغ مَارَّا ڒݣْنُوْس ن ثْمُوْرْث-أَ.

أيث-روما 9:8

مَانَايَا يخس اَذ يِينِي ثَارْوَا ن أَربِّـي ذ صَّح تْوَاحسّْبن زِي ثَارْوَا ن ڒْعَهذ، مَاشِي زِي ثَارْوَا ن بْنَاذم.

أيث-ݣلاطيا 4:8

ذِي ڒْوقْث نِّي يعْذُوْن تُوْغَا وَار ثسِّيْنم شَا أَربِّـي، حكّْمن خَاوم لْأَصْنَام زَعْمَا، ذِي طَّبِيعَا نْسن نِثْنِي مَاشِي ذ أَربِّـيثن ن صَّح.

أيث-ؤفسوس 2:19

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.

أيث-كولوس 1:21

كنِّيو تُوْغَا قْبڒ تِݣّْوْجم خ أَربِّـي تْمنْغَام اَكِذس س ڒَعْقُوْڒَاث نْوم تݣّم ثِمسْڒَايِين ذ ثِعفَّانِين.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.

1 أيث-سلونيك 4:5

مَاشِي اَذ تْعِيشم ذِي شّهْوث ن دَّات نْوم مَامّش تݣّن ڒݣْنُوْس وَار يسِّينن شَا أَربِّـي.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

1 تيموتاوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ.

يعيبرانيين 11:34

سخْسِين اَحَذُوْق ن ثْمسِّي، فڒْثن زِي ڒقْضع ن سِّيف. ضُّوْعف نْسن يذْوڒ ذ جّْهذ، جهْذن ذِي ڒْحَرْب ؤُزّْڒن خ ڒْعَسْكَار ن ثْمُوْرَا نّغْنِي.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

يعيبرانيين 8:6

وَلَكِن شّْغڒ نِّي ن ڒفْقِي إِي ذَاس يُوْشَا إِ عِيْسَى يمْغَار اَطَّاس خ شّْغڒ نِّي اَقْذِيم ن ڒْفُقَهَا نّغْنِي. أُو ڒْعَهذ-أَ إِي خف يتْشَفَاع نتَّا يمْغَار اَطَّاس خ ونِّي اَقْذِيم لِأَنَّا يبدّ خ يِجّن ن دْسَاس ن لْوُعُوْد إِي يدْجَان حْسن.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.