أيث-ؤفسوس 2:10 - ثريفيث 2020

¹⁰ لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 2:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

يوحنا 3:21

ونِّي يخدّْمن نِيشَان اَذ د يَاس غَار نُّوْر. أَمُّو اَذ د يبَان بلِّي ڒخْذَايم نّس يتݣّ-يثنْت إِ أَربِّـي.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

1 أيث-كورينث 3:9

لِأَنَّا نشِّين نْشَرّش اَك أَربِّـي ذِي ڒْخذْمث-أَ. كنِّيو ذ اَمَرْجع نّس ذ ڒبْنِي نّس.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

22 أيث-كورينث 5:5

وِي ذَانغ يسْوجْذن إِ مَانَاينِّي؟ نتَّا ذ أَربِّـي، يُوْشَا-ٱنغ-د أَرُّوْح نّس ذ يجّن ن تّسْبِق.

22 أيث-كورينث 9:8

أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

أيث-ؤفسوس 1:4

شُوْف، ئِخْضَر-اَنغ ذِي لْمَسِيح قْبڒ مَا د يخْڒق دُّنشْت-أَ بَاش أَ نِيڒِي نصْفَا بْڒَا ڒْعِيب زَّاثس.

أيث-ؤفسوس 2:13

وَلَكِن وَامِي ثُوْمْنم زِي عِيْسَى لْمَسِيح، كنِّيو إِي تُوْغَا ثُوْݣّْوْجم اَطَّاس زِي أَربِّـي قْبڒ، صَافِي ڒخُّو يسْقَارّب-يكنِّيو-د غَارس س يذَامّن ن لْمَسِيح.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-ؤفسوس 2:6

ثُمَّا يسكَّر-اَنغ-د اَك لْمَسِيح يسْغِيم-اَنغ ذݣ يمُوْشَان ن وجنَّا س عِيْسَى لْمَسِيح.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 4:24

اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

أيث-فيليـپـي 1:6

نش اَقَايِي مْتيّْقن ذِي ثْمسْڒَايْث-أَ: ونِّي إِݣ يبْذَان ذَايْوم شَا ن شّْغڒ ذ اَصبْحَان اَخَاس يتْسِيغِي اَخَاس يتْكمَّاڒ حتَّا ٱڒ نْهَار نِّي ن عِيْسَى لْمَسِيح.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

1 تيموتاوس 2:10

لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 5:25

أَمُّو عَاوذ شَان ن لْحَسَانَاث تْوَامظْهَارنْت-يد، عَاذ شَان ن لْحَسَانَاث نّغْنِي وَار زمَّرنْت شَا اَذ قِّيمنْت تْوَانُوْفَّرنْت.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

2 تيموتاوس 2:21

ونِّي يسِّيصْفَان يخف نّس زِي مَارَّا ثِمسْڒَايِين نِّي ثِعفَّانِين اَتَاف اَذ يِيڒِي اَم ڒقْشُوْع نِّي إِي تْوَاسْتعْمَالن إِ مِين يدْجَان ذ شَّان، نتَّا اَذ يِيڒِي يصْفَا اَذ يِيڒِي ينفّع إِ بَاب نّس، أَذ يِيڒِي يوْجذ إِ كُڒ ڒْخذْمث ثَصبْحَانْت.

2 تيموتاوس 3:17

حمَا اَرْيَاز ن أَربِّـي اَذ يِيڒِي يوْجذ اَذ يَاف يذبَّر-اَس س قَاع ثِمسْڒَايِين عْلَاحْسَاب كُڒ ڒْخذْمث ذ ثَصبْحَانْت.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

ثبرات غار تيتوس 3:1

سْفكَّر إِ ڒْمُوْمِنِين اَذ ݣّن اَرَّاي إِ ڒْحُكَّام ذ ڒْمخْزن، أَذَاسن طَاعن اَذ يڒِين وجْذن إِ كُڒ ڒْخذْمث ذ ثَصبْحَانْت.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 10:24

نشِّين أَ نْخمّم مْلِيح مَامّش إِي غَا نݣّ أَ نْوصَّا اَيَاوْيَا خ ڒمْحِبّث ذ لْحَسَنَاث.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.