أيث-ؤفسوس 1:9 - ثريفيث 2020

⁹ أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 1:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

لوقا 12:32

وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

ڒخذايم 2:23

ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

ڒخذايم 4:28

ݣِّين قَاع مِين تُوْغَا ثْزمّْمذ اَذ يوْقع س وفُوْس ذ ڒْخَاضَر نّش.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-ݣلاطيا 1:12

وَار ذَايِي د يُوْسِي زِي حَدّ، وَار ذَايِي ث سْڒمْذن شَا يِوْذَان؛ لَّا، نتَّا يهْوَا-د خَافِي ذ لْوَاحِي زِي عِيْسَى لْمَسِيح.

أيث-ݣلاطيا 1:15

وَلَكِن أَربِّـي زِي قْبڒ تُوْغَا يعْزڒ-اَيِي نش يعْنِي يخْضَر-اَيِي ذݣ وعدِّيس ن يمَّا سّنِّي يڒَاغَا-ٱيِي-د س اَرْضَا نّس. وَامِي خَافِي يَارْضَا نتَّا، يسضْهَار-اَيِي-د مِّيس حمَا اَزَّايس بشَّرغ جَار ڒݣْنُوْس. ڒخْدّنِّي وَار مْشَاوَارغ اَك حَدّ.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 1:8

أَرْضَا-يَا يفَرغ-اَنغ-ث-يذ سِيذِي أَربِّـي س مَارَّا ڒفْهَامث ذ ثُوْسْنَا نّس.

أيث-ؤفسوس 3:11

مَانَايَا يدْجَا عْلَاحْسَاب لْغَرَض ن أَربِّـي زِي ڒبْدَا، أُو لْغَرَض-أَ يكمّڒ-يث س عِيْسَى لْمَسِيح سِيذِيثْنغ.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.