أيث-ؤفسوس 1:8 - ثريفيث 2020

⁸ أَرْضَا-يَا يفَرغ-اَنغ-ث-يذ سِيذِي أَربِّـي س مَارَّا ڒفْهَامث ذ ثُوْسْنَا نّس.

أيث-ؤفسوس 1:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:19

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا، نَّان قَا وَانِيتَا يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان. إِنَّمَا، ڒفْهَامث ن أَربِّـي قبّْڒن-تث مَارَّا يِنِّي يفهّْمن."

أيث-روما 11:33

مشْحَاڒ يمْغَر وَاݣْڒَا ن ڒفْهَامث ذ ثُوْسْنَا ن أَربِّـي! وَار تْوَاشرّْحن لْأَحْكَام نّس، وَار تْوَافهّْمن يبْرِيذن نّس.

أيث-روما 5:15

وَلَكِن ڒْمُعْصِيّث ن آدَم وَار نْزمَّر اَت نْمثّل اَك لْهَادِيَا ن اَرْضَا ن أَربِّـي. شُوْف، ئِجّن ن بْنَاذم، نتَّا ذ آدَم، يعْصَا أَربِّـي يُوْوِي-د ڒْموْث إِ مَارَّا يوْذَان. ڒخُّو مشْحَاڒ يمْغَر اَرْضَا ن أَربِّـي ذ لْهَادِيَا إِي د ينْفيّْضن خ يِوْذَان س اَرْضَا ن يِجّن ن بْنَاذم نّغْنِي نتَّا ذ عِيْسَى لْمَسِيح.

1 أيث-كورينث 2:7

لَّا، نشِّين نسَّاوَاض يجّن ن ڒفْهَامث ذَايس ڒْمَعْنَا ينُوْفَّرن ن أَربِّـي ذ مِين يتْوَاسْنُوْفَّرن. ئِزمّم-يت أَربِّـي قْبڒ مَا ٱذ د ثخْڒق ڒْوقْث قَاع حمَا نشِّين أَ نتْوَاسمْغَار.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 3:10

مِين يخطّط نتَّا؟ يِنِّي إِݣ يحكّْمن ذ يِنِّي إِݣ يجهْذن ذݣ يجنَّاثن ڒخُّو اَذ سّْنن خ وفُوْس ن جْمَاعث ن ڒْمُوْمِنِين مِين ثعْنَا ڒفْهَامث ن أَربِّـي خ مَارَّا ثِمسْڒَايِين.

أيث-كولوس 2:3

ذَايس ذِي نتَّا إِي تْوَاسْنُوْفَّرن مَارَّا ڒْكُنُوْز ن ڒفْهَامث ذ مَارَّا ڒْكُنُوْز ن ثُوْسْنَا.

ثبرات زي يهوذا 1:25

يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.

لواحي ن يوحنا 5:12

قَّارنْت س جّْهذ: "ئِزْمَار يتْوَانْغن يسْذَاهدْج ثِزمَّار ذ وَاݣْڒَا ذ لْحِكْمَا ذ جّْهذ ذ ؤُوقَّار ذ لْعَظَمَا ذ لْحَمد."