أيث-ؤفسوس 1:5 - ثريفيث 2020

⁵ س ڒمْحِبّث نّس يزمّم-اَنغ بَاش اَذَانغ يتْبنَّا اَم ثَارْوَا نّس س عِيْسَى لْمَسِيح عْلَاحْسَاب لْغَرَض ن ڒْخَاضَر نّس.

أيث-ؤفسوس 1:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:25

وَلَكِن وَار غَارس يقَارّب شَا اَڒ وَامِي د ثجَّا مِّيس. ثُمَّا يسمَّا-ث يݣَّا-ٱس عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:26

وَاه آ بَابَا، ڒَاحقَّاش اَمُّو إِي خَاك يَارْضَا.

لوقا 10:21

ڒخْدّنِّي يفَرح عِيْسَى س أَرُّوْح يقدّْسن ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَامَا، ثْسظْهَارذ-ث-يد إِ يحنْجِيرن يمزْيَانن. وَاه آ بَابَا، ڒَاحقَّاش اَمُّو إِي خَاك يَارْضَا.

لوقا 11:32

يُوْم لْحِسَاب ذ لْعِقَاب اَذ د كَّرن يمزْذَاغ ن ثنْدِينْت ن نِينْوَا اَك يِوْذَان ن ڒْوقْث-أَ اَخَاسن شثْشَان، ڒَاحقَّاش اَيْثْبَاب ن ثنْدِينْت ن نِينْوَا تُوْبن وَامِي ثن ينْهَا نَّبِي يُونس. أُو ذَانِيتَا يجّن ذ اَمقّْرَان زِي يُوْنس!

لوقا 12:32

وَار تݣّْوْذم شَا آ ثْحِيمرْث ينُو ثَمزْيَانْت، يرْضَا بَابَاثْوم اَذَاوم يُوْش ڒْمُلْك نّس.

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

يوحنا 11:52

وَار يدْجِي بُو خ لْأُمَّا ن أَيث-إِسْرَائِيل وَاهَا، ؤُڒَا ذ ثَارْوَا ن أَربِّـي يتمْزدْجَاعن ذِي ثْمُوْرَا، أَثن يسْمُوْن أَربِّـي ذ يجّن.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

1 أيث-كورينث 1:1

ثَبْرَات-أَ زَّايِي نش بُوْلُس اَكِذِي ؤُمَاثْنغ سَاسْتِين. ئِڒَاغَا-ٱيِي-د أَربِّـي س ڒْخَاضَر نّس حمَا اَذ يڒِيغ ذ اَرَّسُوْل ن عِيْسَى لْمَسِيح.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

22 أيث-كورينث 6:18

أَذ يڒِيغ ذ بَابَاثْوم، كنِّيو اَذ تِيڒِيم ذ ثَارْوَا ينُو ذ يِيسِّي ينُو. أَمنِّي يقَّار أَربِّـي يزمَّرن إِ كُڒْشِي.>

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-كولوس 1:19

لِأَنَّا يعْجب-اَس إِ أَربِّـي اَذَايس يسزْذغ ذِي مِّيس قَاع مِين غَارس.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.