أيث-ؤفسوس 1:4 - ثريفيث 2020

⁴ شُوْف، ئِخْضَر-اَنغ ذِي لْمَسِيح قْبڒ مَا د يخْڒق دُّنشْت-أَ بَاش أَ نِيڒِي نصْفَا بْڒَا ڒْعِيب زَّاثس.

أيث-ؤفسوس 1:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:22

مَعْلِيك سِيذِي أَربِّـي وَار يسنْقِيس شَا ذِي ڒِيَّام نِّي ن تَمَارَا-يَا إِي د غَا يَاسن، أَتَاف وَار ينجّم ؤُڒَا ذ يجّن. خ سَّبَاب ن يِنِّي يخْضَر أَربِّـي، أَتَاف اَذ يسنْقس ڒِيَّام نِّي إِي د غَا يَاسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:31

أَذ يصُوْض يجّن ن زَّمَّار ذ اَمقّْرَان، أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُوْرْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوْب ذ شَّمَال. أَذ يسْمُوْن يِنِّي يخْضَر زِي ڒَاحدّ ن وجنَّا اَڒ ڒَاحدّ نّس نّغْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

ڒخذايم 18:10

نش اَقَايِي اَكِذش، شك وَار ش يتْضَرِّي حَدّ زݣ يِنِّي خَاك د غَا يهجْمن مِينْزِي نش غَارِي اَطَّاس ن شَّعْب ينُو ذِي ثنْدِينْت-أَ."

أيث-روما 8:33

وِي يزمَّرن اَذ يتَاهم يِنِّي إِي يخْضَر أَربِّـي؟ ؤُڒَا ذ يجّن! أَربِّـي س يِيخف نّس نتَّا إِݣ يسمْصْڒَاحن اَكِذس يوْذَان.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 5:27

حمَا لْمَسِيح اَذ يقدّم جْمَاعث ن ڒْمُوْمِنِين إِ يِيخف نّس تْشعْشِيع ذ ثَمْقدّسْت وَار تْوسِّيخ وَار تشْنِيق وَار ذَايس يتِيڒِي بُو شَا ن ڒْعِيب نّغْنِي.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

أيث-كولوس 1:22

وَلَكِن ڒخُّو لَّا، أَربِّـي يسمْصْڒَاح-يكنِّيو اَكِذس س دَّات ن لْمَسِيح يعْنِي س ڒْموْث نّس بَاش اَكنِّيو يقدّم زَّاثس ثصْفَام بْڒَا ڒْعِيب وَار ذِنِّي بُو وِي كنِّيو إِي غَا يتَاهَامن.

أيث-كولوس 2:2

رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

1 أيث-سلونيك 3:12

أَذ يَرْنِي سِيذِيثْنغ ڒمْحِبّث نْوم اَك وَايَاوْيَا اَت يسْفيّض س وَاطَّاس اَك مَارَّا يوْذَان اَم نشِّين نخْس-يكنِّيو.

1 أيث-سلونيك 4:7

مِينْزِي أَربِّـي وَار ذَانغ د يڒَاغِي شَا بَاش أَ نْعِيش ذِي مِين يخنْزن؛ لَّا، ئِڒَاغَا-يَانغ-د أَ نْعِيش ذِي مِين يصْفَان.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.