أيث-ؤفسوس 1:22 - ثريفيث 2020

²² يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

أيث-ؤفسوس 1:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:18

نش عَاوذ اَقَا قَّارغ-اَش: شك ذ بُطْرُس، يعْنِي ذ <اَزْرُو.> خ وزْرُو-يَا اَذ بْنِيغ نش جْمَاعث ن ڒْمُوْمِنِين ينُو، ثِوُوْرَّا ن لْجَحِيم وَار زَّايس تِيوِينْت وَالُو!

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

1 أيث-كورينث 11:3

وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان.

أيث-ؤفسوس 3:21

أَغَارس ثِيڒِي لْعَظَمَا ذِي جْمَاعث ن ڒْمُوْمِنِين أُو عَاوذ ذِي عِيْسَى لْمَسِيح زِي لْجِيل غَار لْجِيل إِ ڒبْدَا ن ڒبْدَاث. آمِين!

أيث-ؤفسوس 5:23

ڒَاحقَّاش اَرْيَاز يتْرَايَّا خ ثمْغَارْث نّس مَامْش عَاوذ يتْرَايَّا لْمَسِيح خ جْمَاعث ن ڒْمُوْمِنِين. جْمَاعث-أَ يسنْجمْ-يت لْمَسِيح أُو ذ نتَّاث إِݣ يدْجَان ذ دَّات نّس.

أيث-كولوس 1:18

ذ نتَّا إِي يدْجَان ذ اَزدْجِيف ن دَّات يعْنِي ن جْمَاعث ن ڒْمُوْمِنِين. ذ نتَّا إِݣ يدْجَان ذ اَمزْوَارُو، ذ نتَّا إِݣ يدْجَان ذ اَمنْزُو زݣ يمتِّينن بَاش ذ نتَّا إِي غَا يِيڒِين ذ اَمزْوَارُو ذِي ثِمسْڒَايِين قَاع.

أيث-كولوس 1:8

ئِعَاوذ-ٱنغ خَاوم خ ڒمْحِبّث نْوم لْأَصل ن ڒمْحِبّث-أَ ذ أَرُوْح يقدّْسن.

أيث-كولوس 2:10

كنِّيو ثُوْذَارْث نْوم ثكْمَاڒ اَك لْمَسِيح يدْجَان نتَّا ذ اَزدْجِيف يتْرَايَّان خ مَارَّا يِنِّي يحكّْمن ذ يِنِّي يجهْذن.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

يعيبرانيين 2:8

ثݣِّيذ سْوَادَّاي يضَارن نّس مَارَّا مِين يدْجَان.> وَامِي يݣَّا أَربِّـي مَارَّا سْوَادَّاي يضَارن نّس، وَار ثقِّيم ؤُڒَا ذ يجّن ن ثْمسْڒَايْث وَار خَاس يحكِّيم شَا. إِنَّمَا، عَاذ ذِي ڒْوقْث-أَ وَار نتْوِيڒِي شَا مَارَّا سْوَادَّاي يضَارن ن بْنَاذم.