أيث-ؤفسوس 1:21 - ثريفيث 2020

²¹ ئِسُوْعْڒَا-ث أَربِّـي اَطَّاس خ مَارَّا ڒحْكَام ذ ڒْمخْزن ذ جّْهذ ذ لْممْلَكَا. ئِسُوْعْڒَا-ث نتَّا عَاوذ خ كُڒ يسم إِي تݣّن ذ يسمَاون، مَاشِي غِيڒ ذِي زْمَان-أَ إِي ذِي ندْجَا وَاهَا وَلَكِن عَاوذ ذِي لْأَخِرَا.

أيث-ؤفسوس 1:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:32

ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم، أَتَاف اَخَاس يغْفَر. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار خَاس يغفَّر شَا لَّا ذِي دُّنشْت-أَ أُو لَّا ذِي لْأَخِيرَا.

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-ؤفسوس 3:10

مِين يخطّط نتَّا؟ يِنِّي إِݣ يحكّْمن ذ يِنِّي إِݣ يجهْذن ذݣ يجنَّاثن ڒخُّو اَذ سّْنن خ وفُوْس ن جْمَاعث ن ڒْمُوْمِنِين مِين ثعْنَا ڒفْهَامث ن أَربِّـي خ مَارَّا ثِمسْڒَايِين.

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

أيث-كولوس 2:10

كنِّيو ثُوْذَارْث نْوم ثكْمَاڒ اَك لْمَسِيح يدْجَان نتَّا ذ اَزدْجِيف يتْرَايَّان خ مَارَّا يِنِّي يحكّْمن ذ يِنِّي يجهْذن.

أيث-كولوس 2:15

أَربِّـي يكّس ثِزمَّار نِّي ن يِنِّي يحكّْمن ذ يِنِّي يجهْذن يَارِّي-ثن اَخَاسن فُوْرّْجن يِوْذَان يفْضح-يثن يرْبح-يثن خ صَّلِيب.

يعيبرانيين 1:4

فَا مِّيس يذْوڒ يمْغَر اَطَّاس خ لْمَلَائِكَاث مِينْزِي يسم نِّي إِي ذَاس يسْوَارث أَربِّـي يمْغَر اَطَّاس خ يِيسمَاون نْسنْت.

يعيبرانيين 2:5

ڒخُّو نشِّين نسَّاوَاڒ خ دُّنشْت-أَ إِي تُوْغَا نتْرَاجَا. شُوْف، أَربِّـي مَاشِي إِ لْمَلَائِكَاث ؤُمِي يُوْشَا ڒحْكَام خ دُّنشْت-أَ لَّا. أَقَا ذِنِّي يجّن ن ومْشَان ذِي لْكِتَاب مَانِي يشْهذ يجّن خ مَانَايَا يقَّار: <تْفكَّرذ شك ذݣ يرْيَازن، مَاشَا مِين سْوَان؟ مِّيس ن بْنَاذم، مَايمِّي إِي ذَايس غَا يتْهِلَّان؟

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.