أيث-ؤفسوس 1:17 - ثريفيث 2020

¹⁷ حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 1:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:17

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:33

نَّان-اَس: "آ سِيذِي، قَا نخْس اَذ نُوْرْزْمنْت ثِيطَّاوِين نّغ!"

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

لوقا 12:12

مِينْزِي أَرُّوْح يقدّْسن اَذَاوم يُوْش مِين غَا ثِينِيم ذِي ثْسَعَّات نِّي."

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

لوقا 21:15

لَّا، أَذَاوم ؤُشغ اَوَاڒن ذ ڒفْهَامث حمَا مَارَّا يِنِّي كِذْوم يتْمنْغَان وَار زمَّرن شَا اَخَاوم د اَرّن.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

ڒخذايم 6:10

وَلَكِن وَار زمَّرن اَذ قَاوّْمن ڒفْهَامث ذ أَرُّوْح إِي زِي يسَّاوَاڒ.

ڒخذايم 7:2

ينَّا-ٱسن سْتِيفَان: "آي أَيثْمَا! آ يِنِّي يمْغَارن! صنّْطث غَاڒِي. وَامِي تُوْغَا يدْجَا جدِّيثْنغ بْرَاهِيم ذِي ثْمُوْرْث نِّي ن مِيسُوْبُوْطَامْيَا قْبڒ مَا ٱذ يزْذغ ذِي ثنْدِينْت ن حَارَان، ئِمظْهَار-اَس-د أَربِّـي لْعَظِيم

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-روما 15:6

بَاش اَذ تْحمْذم أَربِّـي بَابَاس ن سِيذِيثْنغ عِيْسَى لْمَسِيح س يِجّن ن اَرَّاي ذ يِجّن ن وقمُّوْم.

1 أيث-كورينث 12:8

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا.

1 أيث-كورينث 14:6

فَا ڒخُّو آي اَيثْمَا، مڒَا ؤُسِيغ-د غَارْوم سَّاوَاڒغ نش س لُّغَاث رُوْحِيَاث، مَان نّْفَع إِي زِي كنِّيو غَا نفْعغ إِلَّا مڒَا ؤُوِيغ-اَوم-د شَا ن لْوَاحِي نِغ شَا ن ثُوْسْنَا نِغ شَا ن وَاوَاڒ إِي عڒْمغ زِي أَربِّـي نِغ شَان ن تَّعْلِيم؟

1 أيث-كورينث 2:10

ثِمسْڒَايِين نِّي يسْمظْهَار-اَنغ-ثنْت-يد أَربِّـي س اَرُّوْح نّس. لِأَنَّا اَرُّوْح ن أَربِّـي يخزَّر ذِي ثْمسْڒَايِين مَارَّا، وَاخَّا ذ مِين يُوْدْجْغن ن أَربِّـي.

1 أيث-كورينث 2:8

ڒفْهَامث-أَ وَار ت يفْهِيم ؤُڒَا ذ يجّن زِي لْحُكَّام ن ڒْوقْث-أَ. لَّا، لِأَنَّا مَعْلِيك تُوْغَا ت فهْمن، إِڒِي وَار صلِّيبن شَا سِيذِيثْنغ غَار ثدْجَا لْعَظَمَا.

22 أيث-كورينث 12:1

أُو لَابُد اَذ فْتَخَرغ عَاذ، وَاخَّا وَار ذَايس بُو نّْفَع. أَذ سِّيوْڒغ ڒخُّو خ ثْمسْڒَايِين إِي د يهْوَان ذِي لْوَاحِي ذ ثْمسْڒَايِين ينُّوْفَرن إِي د يسْبيّن سِيذِيثْنغ.

أيث-ؤفسوس 1:3

أَذ يتْوَابَرَك أَربِّـي، بَابَاس ن سِيذِيثْنغ عِيْسَى لْمَسِيح. أُو ذِي لْمَسِيح يبَرك-اَنغ سِيذِي أَربِّـي زِي مْكُڒ لْبَرَكَا رُوْحِيَا إِݣ يدْجَان ذݣ يجنَّاثن.

أيث-ؤفسوس 3:5

ڒْمَعْنَا-يَا وَار ثِيذ يسْمظْهَار شَا أَربِّـي إِ ثَارْوَا ن آدَم ذِي زْمَانَاث إِي يعْذُوْن اَم مَامّش ثِيذ يسْمظْهَار ڒخُّو س أَرُّوْح يقدّْسن إِ اَرُّسُل صَّالِحِين اَك لْأَنْبِيَا.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-فيليـپـي 3:15

فَلِيهَاذَا مَارَّا نشِّين إِݣ يتمْغُوْرن ذِي لْإِيمَان يتْخصَّا أَ نفكَّر اَمنِّي. مڒَا كنِّيو وَار ثْفكَّرم شَا اَمنِّي ذ أَربِّـي إِي كنِّيو غَا يسْفهْمن.

2 تيموتاوس 2:25

أَذ يصحَّاح س يِجّن ن وُوْڒ يصبَّارن إِ يِنِّي إِي ذَاس يتْعَارَّاضن؛ حمَا مڒَا يخس أَربِّـي اَثن يجّ اَذ تُوْبن اَذ سّْنن لْحَقِيقَا.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار يعقوب 2:1

آي أَيثْمَا، كنِّيو ثُوْمْنم زِي سِيذِيثْنغ عِيْسَى لْمَسِيح إِي غَار ثدْجَا لْعَظَمَا، وَار تݣّث شَا س وُوْذْمَاون جَار يوْذَان.

2 بطرس 1:3

أَقَا ثِزمَّار نّس يُوْعْڒَان ثُوْشَا-ٱنغ-د قَاع مِين نحْذَاج عْلَاحْسَاب ثُوْذَارْث ذ طَّاعَا نّغ إِ أَربِّـي. مَانَايَا مِينْزِي نسّن ونِّي ذَانغ د يڒَاغَان غَار لْعَظَمَا نّس ذ ثُوْصُبْحَانْت نّس.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

لواحي ن يوحنا 7:12

قَّارنْت: "آمِين! لْحَمد ذ لْعَظَمَا ذ لْحِكْمَا ذ شُّكر ذ ؤُوقَّار ذ ثْزمَّار ذ جّْهذ إِ أَربِّـي نّغ إ ڒبْدَا ن ڒبْدَاث. آمِين!"