أيث-ؤفسوس 1:13 - ثريفيث 2020

¹³ ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 1:13 ပူးပေါင်းရင်းမြစ်များ

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

لوقا 24:49

أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

يوحنا 6:27

وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

ڒخذايم 1:4

وَامِي تُوْغَا اَكِذْسن يتتّ، ئِوصَّا-ثن ينَّا-ٱسن: "وَار تفّْغم شَا زِي ثنْدِينْت ن لْقُدْس. رَاجَام اَڒ د غَا يَاس مِين يوْعذ بَابَا إِي خف ذَاوم تُوْغَا سِّيوْڒغ.

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 4:11

ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

22 أيث-كورينث 6:7

س وَاوَاڒ ن لْحَقِيقَا ذ جّْهذ ن أَربِّـي ذ ڒسْنَاح ن ڒْحَقّ إِݣ يدْجَان ذݣ وفُوْسِي ذ وࢲرْمَاض.

أيث-ݣلاطيا 3:14

س عِيْسَى لْمَسِيح ثهْوَا-د لْبَرَكَا نِّي إِي زِي تُوْغَا ث يوْعذ أَربِّـي إِ بْرَاهِيم ثُوْوض غَار ڒݣْنُوْس، حمَا س لْإِيمَان اَذَانغ يمُّوْش أَرُّوْح يقدّْسن إِي زِي ذَانغ يوْعذ.

أيث-ؤفسوس 4:21

وَاه، ثْڒمْذم خ عِيْسَى لْحَقِيقَا إِي يدْجَان ذَايس يعْنِي مڒَا ثسْڒَام خَاس نِيشَان.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

2 تيموتاوس 2:15

اݣّ لْمجْهُوْد نّش بَاش اَذ تْسحْضَارذ يخف نّش غَار أَربِّـي اَم يِجّن غَارس يدْجَان مقْبُوْل، يعْنِي اَم يِجّن ن وخدَّام وَار غَارس مِينْخف إِي غَا يسذْحَا يتْفسَّار نِيْشَان اَوَاڒ ن لْحَقِيقَا.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

ثبرات غار تيتوس 2:11

شُوْف، أَرْضَا ن أَربِّـي يتْمظْهَار-اَسن-د إِ مَارَّا يوْذَان يتَاوِي-ثن غَار مَانِي غَا تْوَاسْنجْمن.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

ثبرات غار يعقوب 1:21

بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.

لواحي ن يوحنا 7:2

ࢲْرِيغ يجّن ن لْمَلَاك نّغْنِي يتْݣَعَّاذ-د زِي شَّرْق ييْسِي-د طَّابَع ن أَربِّـي يدَّرن، ئِڒَاغَا س يِجّن ن ثْمِيجَّا ثجْهذ إِ اَرْبعَا ن لْمَلَائِكَاث نِّي ثِنِّي ؤُمِي يمُّوْش جّْهذ حمَا اَذ ضيّْعنْت ڒْبَرّ ذ ڒبْحَر.