أيث-كولوس 4:6 - ثريفيث 2020

⁶ أُو لَابُد اَوَاڒ نْوم اَذ يِيڒِي ڒبْدَا يشُّوْر س اَرْضَا يمدْجْحن س ڒمْڒح بَاش اَذ تسّْنم مَامش غَا ثَارّم خ كُڒ يجّن.

أيث-كولوس 4:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:13

ذ كنِّيو إِي يدْجَان ذ ڒمْڒح ثَصبْحَانْت ن ثْمُوْرْث. وَلَكِن مڒَا يرُوْح-اَس لْمَذَاق نّس، مَامش ذَاس غَا نݣّ اَذَاس ثِيذ نَارّ؟ أَتَاف وَار ثْصدْجَاح إِ وَالُو، غِير اَت نْضَرن غَار بَارَّا وَاهَا اَخَاس عفّْسن يِوْذَان.

مرقس 9:50

ڒمْڒح ثْصدْجَاح، وَلَكِن مڒَا يرُوْح-اَس لْمَذَاق نّس، مَامْش ذَاس غَا نݣّ اَذَاس ثِيذ نَرّ؟ أَغَارْوم ثِيڒِي ڒمْڒح ذِي نّفْس نْوم، ئِڒِيم ذِي ڒهْنَا اَك وَايَاوْيَا."

لوقا 4:22

مَارَّا سَّاوَاڒن خَاس مْلِيح، تْعجّْبن ذݣ وَاوَاڒن يصبْحَانن إِي د يفّْغن زݣ وقمُّوْم نّس. نَّان خَاس: مَا وَار يدْجِي شَا وَانِيتَا ذ مِّيس ن يُوْسف؟

أيث-ؤفسوس 4:29

وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام