أيث-كولوس 4:2 - ثريفيث 2020

² تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.

أيث-كولوس 4:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:41

إِڒِيم عْلَابَال ࢲَّادْجم حمَا وَار تِيذْفم شَا ذِي ڒمْحَاين. ؤُڒ ن بْنَاذم يوْجذ وَلَكِن دَّات نّس ثضْعف."

مرقس 13:33

حْضَام يخْف نْوم، إِڒِيم عْلَابَال ڒَاحقَّاش وَار ثسِّينم شَا مڒْمِي د غَا ثَاس ڒْوقْث نِّي.

لوقا 18:1

ئِسِّيوڒ اَكِذْسن عِيْسَى س يِجّن ن ڒْمَعْنَا بَاش اَذ سّْنن بلِّي يتْخصَّا-يَاسن اَذ تْࢲَادْجن ڒبْدَا وَار تِيحْڒن شَا.

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."

ڒخذايم 1:14

يِيْنَا كُڒ نْهَار تْمُوْنن مَارَّا س يِجّن ن لْفِكْرَا تْࢲَادْجَان، اَكِذْسن شَان ن ثمْغَارِين ذ مَرْيَم يمَّاس ن عِيْسَى ذ اَيثْمَاس.

أيث-روما 12:12

فَرْحث ذِي لْأَمَال. صْبَارث خ تَمَارَا. دَاوّْمث خ ثْࢲَادْجِيث.

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

أيث-فيليـپـي 4:6

وَار كسِّيم بُو ومْنُوْس خ وَالُو. س ثْࢲَادْجِيث نْوم ذ دُّعَاء نْوم اَكِذْسن شُّكر نْوم اَذ تْقدّْمم مَارَّا ثِمسْڒَايِين س طَّلَابَاث نْوم إِ أَربِّـي.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

أيث-كولوس 3:17

مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.