أيث-كولوس 4:11 - ثريفيث 2020

¹¹ ئِسَاوَّاض-اَوم-د سْڒَام عَاوذ عِيْسَى ونِّي ؤُمِي قَّارن يُوْسْتُوْس. ذ يِيْنَا وَاهَا إِݣ يدْجَان ذ يسْرَائِيلِيْين زݣ يِنِّي يتمْعَشَارن اَكِذِي ذِي ڒْخذْمث-أَ عْلَاحْسَاب ڒْمُلْك ن أَربِّـي، تْشجَّاعن-اَيِي اَطَّاس.

أيث-كولوس 4:11 ပူးပေါင်းရင်းမြစ်များ

ڒخذايم 10:45

ڒْمُوْمِنِين زݣ أَيث-إِسْرَائِيل إِي د يُوْسِين اَك بُطْرُس قِّيمن تْعجّْبن وَامِي ؤُفِين أَرُّوْح يقدّْسن يتْوَافيّض ؤُڒَا خ يِنِّي وَار يدْجِين شَا ذ يسْرَائِيلِيْين.

ڒخذايم 11:2

وَامِي يݣَعّذ بُطْرُس غَارْسن غَار لْقُدْس ڒخْدّنِّي كَّرن ڒْمُوْمِنِين نِّي ن عِيْسَى ينِّي يتِيشّن لْهِمَّا اَطَّاس إِ طَّهَارث شِّين-ث س ڒْهمّْ نَّان-اَس: "مَايمِّي ثُوْذْفذ غَار ثدَّارْث ن يِنِّي وَار يطهَّارن شَا ثشِّيذ اَكِذْسن اَغْرُوْم؟"

أيث-روما 16:3

سِّيوْضم-اَسن سْڒَام إِ پْـرِيسْكِيلَا ذ وَاكِيلَاس، يِنِّي اَكِذِي يخدّْمن ذِي عِيْسَى لْمَسِيح.

أيث-روما 4:12

أُو نتَّا ذ جدِّيثْسن عَاوذ ؤُڒَا ن يِنِّي يݣِّين طَّهَارث، وَلَكِن مَاشِي ݣِّين طَّهَارث أُو صَافِي. لَّا، ئِتْخصَّا-يَاسن اَذ ذفَّارن ڒَاثَار ن لْإِيمَان مَامش تُوْغَا يدْجَا غَار جدِّيثْنغ بْرَاهِيم وَامِي تُوْغَا عَاذ وَار يݣِّي بُو طَّهَارث.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ؤفسوس 2:11

إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا).

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-كولوس 4:7

ؤُمَاثْنغ تُوْشِيق اَكنِّيو يخبَّر خ مَارَّا مِين تݣّغ ذَانِيتَا. نتَّا يعِيزّ خَافِي، ئِتْسخَّار إِ أَربِّـي س يِجّن ن تِّقث. نتَّا ذ اَخدَّام يتمْعَشَارن اَكِذِي ذِي ڒْخذْمث ن سِيذِيثْنغ.

1 أيث-سلونيك 3:7

خ مَانَايَا آي أَيثْمَا، نشِّين نتْوَاشجّع س لْإِيمَان نْوم وَاخَّا اَقَانغ ذَانِيتَا ذِي ڒمْحَاين ذ يِج وزيَّار.

ثبرات غار تيتوس 1:10

لِأَنَّا يِنِّي إِي ذِي ثدْجَا ثْغنَّانْت اَقَاثن مُجُوْدِين، سَّاوَاڒن وَاهَا نِثْنِي ذ يغدَّارن خَاصَّتَان ذ يِنِّي يتِيشّن لْهِمَّا اَطَّاس إِ طَّهَارث.

ثبرات غار فليمون 1:1

نش ذ بُوْلُس اَقَايِي ذ اَمحْبُوْس عْلَاحْسَاب عِيْسَى لْمَسِيح اَكِذِي ؤُمَاثْنغ تِيْمُوْتَاوُس. تَارِيغ ثَبْرَات-أَ إِ فِلِيْمُوْن يدْجَان ذ اَمْعَاشَر نّغ إِي خَانغ يعِيزّن،

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.