أيث-كولوس 3:16 - ثريفيث 2020

¹⁶ اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

أيث-كولوس 3:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:30

غنّْجن يجّن ن يِزْڒِي ن ڒْعِيذ، سّنِّي فّْغن رُوْحن غَار وذْرَار ن زِّيتُوْن.

لوقا 2:51

ئِذْوڒ-د اَكِذْسن غَار نَاصِرَا يتݣّ-اَسن اَرَّاي. يمَّاس تْخمَّام ذِي مَارَّا مَانَايَا ذݣ وُوْڒ نّس.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

أيث-روما 10:17

فَلِهَذَا، لإِيمَان يتَاس-د زِي مِين نتْسْڒَا، أُو مِين نْتسْڒَا نتَّا ذ اَوَاڒ ن لْمَسِيح.

أيث-روما 15:14

آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

1 أيث-كورينث 14:15

إِيوَا مِين غَا ݣّغ؟ أَذ ࢲَّادْجغ س اَرُّوْح ينُو، أَذ ࢲَّادْجغ عَاوذ س ڒَعْقڒ ينُو. أَذ غنّْجغ س اَرُّوْح ينُو، أَذ غنّْجغ عَاوذ س ڒَعْقڒ ينُو.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 5:17

إِيوَا وَار تِيڒِيم شَا بْڒَا ڒَعْقڒ؛ لَّا، فهْمث مِين يخس سِيذِي أَربِّـي.

أيث-ؤفسوس 5:19

سِيوْڒم اَݣ وَايَاوْيَا س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا. غنّْجم، ݣّم لْمُوْسِيقَا إِ سِيذِي أَربِّـي ذݣ وُوْڒَاون نْوم.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

أيث-كولوس 4:6

أُو لَابُد اَوَاڒ نْوم اَذ يِيڒِي ڒبْدَا يشُّوْر س اَرْضَا يمدْجْحن س ڒمْڒح بَاش اَذ تسّْنم مَامش غَا ثَارّم خ كُڒ يجّن.

1 أيث-سلونيك 1:8

زَّايْوم كنِّيو إِي د يفّغ صُّوْت ن وَاوَاڒ ن سِيذِيثْنغ. مَاشِي يفّغ-د ذِي مَاسِدُوْنْيَا ذ ؤُخَايَا وَاهَا؛ لَّا، يفّغ-د ڒخْبَر-أَ خ لْإِيمَان نْوم زِي أَربِّـي غَار يِوْذَان ذِي مَارَّا يمُوْشَان. خ مَانَايَا وَار ذَانغ يتْخصِّي شَا اَخَاس نسِّيوڒ مِينْزِي يوْذَان تسْڒَان خَاوم.

1 أيث-سلونيك 4:18

إِذن، شجّْعث اَيَاوْيَا س وَاوَاڒن-أَ.

2 أيث-سلونيك 3:15

وَلَكِن وَار ث تْوَاڒَام شَا اَم ڒَعْذُو نْوم؛ لَّا، نْهَام-ث اَم يِجّن زݣ وُوْمَاثْوم.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

ثبرات غار تيتوس 3:6

أَرُّوْح-أَ يفَرغ-يث-يذ خَانغ أَربِّـي س يِجّن ن ڒْخِير يمْغَر س وفُوْس ن عِيْسَى لْمَسِيح ونِّي إِي ذَانغ يسْنجْمن.

ثبرات غار يعقوب 1:5

مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

ثبرات غار يعقوب 5:13

مڒَا ذِين شَان يجّن جَارَاوم يتْوَاعدَّاب، ئِتْخصَّا-يَاس اَذ يࢲَّادْج. مڒَا ذِين شَان يِجّن جَارَاوم يفَرّح، ئِتْخصَّا-يَاس اَذ يغنّج إِ أَربِّـي.

1 يوحنا 2:14

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْجهْذم، أَوَاڒ ن أَربِّـي يزدّغ ذَايْوم، كنِّيو ثْغڒْبم خ لْمُفْسِيد نِّي.

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

2 يوحنا 1:2

مَانَايَا عْلَاحْسَاب لْحَقِيقَا إِݣ يزدّْغن ذَايْنغ اَذ تِيڒِي اَكِذْنغ إِ ڒبْدَا.

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.