أيث-كولوس 3:13 - ثريفيث 2020

¹³ صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

أيث-كولوس 3:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:44

وَلَكِن قَّارغ-اَوم نش: خْسث ڒْعَذْيَان نْوم، تَّارث إِ أَربِّـي خ يِنِّي كنِّيو يتْعدَّابن،

أَسڒْمذ ن سِيذِيثْنغ عِيْسَى لْكِتَاب ن مَتَّى 6:12

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان.

مرقس 11:25

كنِّيو خْمِي غَا ثْبدّم اَذ تࢲَّادْجم، مڒَا غَارْوم شَا ن لْعَدَاوَا اَك شَان يِجّن سمْحم-اَس حمَا بَابَاثْوم يدْجَان ذݣ وجنَّا اَذَاوم يغْفَر دّْنُوْب نْوم.

لوقا 11:4

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان. وَار ذَانغ تݣّ شَا ذِي ڒمْحَاين."

لوقا 23:34

ينَّا عِيْسَى: "آ بَابَا، غْفَر يوْذَان-أَ قَا وَار سِّينن شَا مِين تݣّن." ڒْعَسْكَار نِّي ݣِّين لْقُرْعَا خ وَارُّوْض نّس حمَا كُڒ يجّن مِين غَا ييْسِي.

أيث-روما 15:7

س مَانَايَا قبْڒث اَيَاوْيَا مَامّش إِي كنِّيو يقْبڒ لْمَسِيح حمَا اَذ تْسمْغَارم أَربِّـي.

22 أيث-كورينث 2:10

ونِّي ؤُمِي غَا ثْسمْحم ؤُڒَا ذ نش اَذَاس سمْحغ. مڒَا ذِنِّي شَان ڒْحَاجث اَذَاس سمْحغ، قَا سمْحغ-اَس-ت. سمْحغ-اَس عْلَاحْسَاب كنِّيو، ئِشْهذ خَاس لْمَسِيح.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛

أيث-ݣلاطيا 6:2

أَرْبُوْث دْقڒ اَݣ وَايَاوْيَا، س مَانَايَا اَذ تݣّم ڒُوْصِيّث نِّي ن لْمَسِيح.

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-ؤفسوس 4:32

تݣّث ڒْخِير اَك وَايَاوْيَا، تْحِنَّام خ وَايَاوْيَا. سمّْحم إِ وَايَاوْيَا مَامّش ذَاوم يغْفَر أَربِّـي ذِي لْمَسِيح.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

ثبرات غار يعقوب 2:13

نْهَار ن لْحِيسَاب أَربِّـي وَار يرحّم شَا ونِّي وَار يرحّْمن شَا؛ أَرَّحْمث ثْغدْجب لْحِيسَاب.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.