أيث-كولوس 2:23 - ثريفيث 2020

²³ ذ صَّح، تْغِيڒ-اَسن إِ يِوْذَان لْقَوَانِين نِّي اَم ذَايْسن ڒفْهَامث زَعْمَا خ سَّبَاب ن لْوَاجِب ن لْعِبَادَا نْسن ذ دِّين نْسن يقْسح أُو عَاوذ مشْحَاڒ تْزيَّارن خ دَّات ن بْنَاذم. وَلَكِن لْقَوَانِين-أَ وَار تْعِيوِينن ؤُڒَا ذ يجّن ن بْنَاذم بَاش وَار يتْسِيعِّيف شَا شّهَوَاث ن دَّات نّس.

أيث-كولوس 2:23 ပူးပေါင်းရင်းမြစ်များ

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-ؤفسوس 5:29

شُوْف، عمَّارْص وَار يدْجِي حَدّ يتْعِيفَّا دَّات نّس: لَّا، ئِتْذبَّر-د خَاس يتْحَوَاڒ خَاس. أَمنِّي إِي يتݣ لْمَسِيح اَك جْمَاعث ن ڒْمُوْمِنِين.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:22

لْقَاوَنِين-أَ يِيْنَا سَّاوَاڒن خ شَان ثْمسْڒَايِين إِي غَا يفْنَان خْمِي غَا تْوَاشّنْت، نِثْنِي ذ لْقَوَانِين ذ وسڒْمذ ن يِوْذَان وَاهَا.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

1 تيموتاوس 4:3

نِثْنِي اَذ سْبدّن يوْذَان بَاش وَار مدْجْشن شَا، قَّارن-اَسن عَاوذ قَا شَا ن لْمَكْلَاث ممْنُوْع اَثنْت شّن. وَلَكِن لْمَكْلَاث نِّي يخْڒق-يثنْت-يد أَربِّـي اَثنْت نقْبڒ نشِّين إِݣ يتَامْنن نسّن لْحَقِيقَا.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.