أيث-كولوس 2:20 - ثريفيث 2020

²⁰ كنِّيو مڒَا ثمُّوْثم اَك لْمَسِيح إِ لْقَوَانِين نِّي يقْذِيمن ن دُّنشْت-أَ، مَايمِّي ذَاس تݣّم اَرَّاي إِ لْقَانُوْن نِّي اَخْمِي عَاذ تْعِيشم زَّايس ذِي دُّنشْت-أَ؟

أيث-كولوس 2:20 ပူးပေါင်းရင်းမြစ်များ

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

22 أيث-كورينث 10:3

ذ صَّح نتْعِيش اَم بْنَاذم، وَلَكِن وَار نتْحَارِيب شَا اَم بْنَاذم.

أيث-ݣلاطيا 4:3

أَمُّو ؤُڒَا ذ نشِّين. وَامِي ندْجَا عَاذ ذ يمزْيَانن، أَم يسمْغَان حكّْمن خَانغ لْقَوَانِين يقْذِيمن ن دُّنشْت-أَ.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-كولوس 2:14

ئِمْحَا اَمَارْوَاس نِّي إِݣ يزمّْمن خَانغ اَقَاث ضد نّغ س لْقَانُوْن. مَانَاينِّي ييْسِي-ث يصمَّر-يث خ صَّلِيب.

أيث-كولوس 2:16

إِذن وَار تجَّام حَدّ اَكنِّيو يعيّب خ مِين تتّم نِغ خ مِين ثْسسّم نِغ خ شَا ن ڒعْيُوْذَاث إِي تِيڒِين كُڒ عَام نِغ كُڒ شْهَار نِغ خ نْهَار ن سّبْث ن لْعِبَادَا.

أيث-كولوس 2:21

يعْنِي: "وَار كسِّي شَا س وفُوْس، وَار تْقَاسَا شَا، وَار تْحَاذَا شَا."

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

ثبرات غار يعقوب 4:4

آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.