أيث-كولوس 2:2 - ثريفيث 2020

² رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

أيث-كولوس 2:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

لوقا 1:1

آ سِي تُوْفِيلُوْس، أَطّاس ن يِوْذَان ݣِّين اَذ اَرِين مِين يوقْعن غَارْنغ.

يوحنا 10:30

نش ذ بَابَا ذ يجّن."

يوحنا 10:38

مڒَا خذْمغ-ثنْت، أَمْنث زِي ڒخْذَايم نِّي وَاخَّا وَار زَّايِي ثُوْمِينم. أَمُّو اَذ تسّْنم قَا بَابَا اَقَاث ذَايِي، نش اَقَايِي ذِي بَابَا."

يوحنا 16:15

مَارَّا مِين غَارس غَار بَابَا، غَارِي ؤُڒَا ذ نش. س مَانَايَا نِّيغ-اَوم بلِّي نتَّا يكسِّي زِي مِين غَارِي، أَذَاوم يخبَّر زَّايس."

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 5:17

ينَّا-ٱسن عِيْسَى: "بَابَا يخدّم ڒبْدَا، ؤُڒَا ذ نش خدّْمغ اَم نتَّا."

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

يوحنا 6:69

قَا نشِّين نُوْمن، نسّن قَا شك ذ لْعَظِيم ن أَربِّـي."

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

1 أيث-كورينث 14:31

لِأَنَّا ثْزمَّرم مَارَّا اَذ تسِّيوْڒم س مِين ثْعڒْمم زِي أَربِّـي ئِج-يج حمَا مَارَّا ڒْمُوْمِنِين اَذ ڒمْذن اَذ تْوَاشجّْعن.

1 أيث-كورينث 2:12

وَار ذَانغ د يُوْشِي شَا اَرُّوْح ن دُّنشْت-أَ، يُوْشَا-ٱنغ-د اَرُّوْح إِي د يُوْسِين زِي أَربِّـي حمَا أَ نفْهم ثِمسْڒَايِين نِّي إِي ذَانغ د يُوْشَا أَربِّـي بَاطڒ.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 3:16

تتَّارغ إِ أَربِّـي زݣ وَاݣْڒَا نّس اَعْظِيم اَكنِّيو يسجْهذ ذِي نّفْس نْوم س وفُوْس ن أَرُّوْح نّس

أيث-ؤفسوس 3:3

يعْنِي ڒْمَعْنَا ينُوْفَّرن خ لْإِنْجِيل يسْمظْهَار-اَيِي-يث-يذ يسهْوَا-ث-يذ خَافِي س لْوَاحِي مَامش ذَاوم ت ؤُرِيغ شْوَايْت زِي قْبڒ.

أيث-ؤفسوس 6:22

تْسكِّيغ-اَوم-ث-يذ إِ كنِّيو خ سَّبَاب-أَ وَانِيتَا بَاش اَذ تسّْنم مَامش دْجِيغ نش اَذ يشجّع ؤُڒَاون نْوم.

أيث-فيليـپـي 2:1

مڒَا كنِّيو تْوَاشجّْعم س لْمَسِيح نِغ ثتْهِلَّام ذِي ڒمْحِبّث نّس نِغ ثْشَرّْشم اَك أَرُّوْح نّس، نِغ ثُوْفِيم ذَايس اَرَّحْمث ذ لْحَنَانَا،

أيث-فيليـپـي 3:8

ذ صَّح حسّْبغ ثِمسْڒَايِين-أَ قَاع ذ ثَخْصَارْث خ سَّبَاب ن لْقِيمَا ثَمقّْرَانْت بَاش اَذ سّْنغ عِيْسَى لْمَسِيح نتَّا ذ سِيذِي. خ سَّبَاب نّس إِي خْصَرغ ثِمسْڒَايِين-أَ قَاعِين، حسْبغ-ثنْت ذ زّْبڒ بَاش اَذ ربْحغ عِيْسَى لْمَسِيح.

أيث-كولوس 1:26

أَوَاڒ-أَ نتَّا ذ ڒْمَعْنَا نِّي إِي تُوْغَا ينُوْفَّرن ذِي زْمَانَاث ذ لْجِلَاث يعْذُوْن، ڒخُّو اَرِّين-د خَاس ڒخْبَار صَّالِحِين.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 3:14

كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.

أيث-كولوس 4:8

سّكّغ-ث-يذ غَارْوم خ شّْغڒ-أَ وَانِيتَا بَاش اَذ تسّْنم مَامش ندْجَا نشِّين اَذ يشجّع ؤُڒَاون نْوم.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

يعيبرانيين 6:11

نخْس اَذ تْحَوْڒم كنِّيو س وُوْڒ كُڒ يجّن اَم قْبڒ بَاش اَذ تِيڒِيم كنِّيو متْأَكدِّين ذِي لْأَمَال نْوم اَڒ ونݣَّارُو.

2 بطرس 1:10

إِذن آي اَيثْمَا، ݣّث لْمجْهُوْد نْوم كْتَار عَاذ بَاش اَذ تْضمْنم اَڒَاغِي نّس غَارْوم بلِّي نتَّا يخْضَر-يكنِّيو. مڒَا ثݣِّيم ثِمسْڒَايِين-أَ، أَتَاف عمَّارْص اَذ د توْضَام.

2 بطرس 1:3

أَقَا ثِزمَّار نّس يُوْعْڒَان ثُوْشَا-ٱنغ-د قَاع مِين نحْذَاج عْلَاحْسَاب ثُوْذَارْث ذ طَّاعَا نّغ إِ أَربِّـي. مَانَايَا مِينْزِي نسّن ونِّي ذَانغ د يڒَاغَان غَار لْعَظَمَا نّس ذ ثُوْصُبْحَانْت نّس.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

1 يوحنا 3:19

أَمنِّي إِي غَا نسّن بلِّي نشِّين زِي لْحَقِيقَا، أَمنِّي عَاوذ أَ نسْريّح ؤُڒَاون نّغ زَّاث إِ أَربِّـي.

1 يوحنا 5:7

أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.