أيث-كولوس 2:19 - ثريفيث 2020

¹⁹ بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 2:19 ပူးပေါင်းရင်းမြစ်များ

لوقا 5:38

وَلَكِن اَمَان ن وضِيڒ ذ جْذِيذ خدْجْقن ذݣ يِيڒْمَاون ذ جْذِيذ.

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

أيث-روما 11:17

شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

1 أيث-كورينث 11:3

وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان.

1 أيث-كورينث 3:6

نش ࢲُّوْغ، أَپُـوْلُّوْس يسسّو، أُو ذ أَربِّـي إِي كنِّيو يسغْمَاين.

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

أيث-ؤفسوس 1:23

جْمَاعث-أَ نتَّاث إِي يدْجَان ذ دَّات ن لْمَسِيح أُو زَّايس نتَّاث إِي يشُّوْر يِيخف نّس أُو ذ نتَّا إِي يشُّوْرن مَارَّا ذِي مِين ذِي مَا.

أيث-ؤفسوس 2:21

ذَايس ذِي نتَّا إِي يمُوْن مَارَّا ڒبْنِي ن ثدَّارْث-أَ تْݣَعَّاذ ذ يشْتن بَاش اَذ تِيڒِي ذ يجّن ن ثمْزِيذَا ذ ثَمْقدّسْت إِ أَربِّـي.

أيث-ؤفسوس 4:3

ݣّث مَارَّا لْمجْهُوْد نْوم بَاش اَذ تِيڒِيم ذ يجّن ذِي أَرُّوْح يقدّْسن وَامِي ثطّْفم فُوْس ذݣ وفُوْس س ڒهْنَا.

أيث-ؤفسوس 5:29

شُوْف، عمَّارْص وَار يدْجِي حَدّ يتْعِيفَّا دَّات نّس: لَّا، ئِتْذبَّر-د خَاس يتْحَوَاڒ خَاس. أَمنِّي إِي يتݣ لْمَسِيح اَك جْمَاعث ن ڒْمُوْمِنِين.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 1:18

ذ نتَّا إِي يدْجَان ذ اَزدْجِيف ن دَّات يعْنِي ن جْمَاعث ن ڒْمُوْمِنِين. ذ نتَّا إِݣ يدْجَان ذ اَمزْوَارُو، ذ نتَّا إِݣ يدْجَان ذ اَمنْزُو زݣ يمتِّينن بَاش ذ نتَّا إِي غَا يِيڒِين ذ اَمزْوَارُو ذِي ثِمسْڒَايِين قَاع.

أيث-كولوس 2:2

رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

1 أيث-سلونيك 3:12

أَذ يَرْنِي سِيذِيثْنغ ڒمْحِبّث نْوم اَك وَايَاوْيَا اَت يسْفيّض س وَاطَّاس اَك مَارَّا يوْذَان اَم نشِّين نخْس-يكنِّيو.

1 أيث-سلونيك 4:10

وَاه، ذ صَّح تخْسم مَارَّا أَيثْمَاثْوم إِي كِذْوم يتْعِيشن ذِي لْإِقْلِيم ن مَاسِدُوْنْيَا. وَلَكِن نتْوصَّا-كنِّيو آي أَيثْمَا اَذ تَرْنِيم عَاذ كْتَار.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.