أيث-كولوس 2:15 - ثريفيث 2020

¹⁵ أَربِّـي يكّس ثِزمَّار نِّي ن يِنِّي يحكّْمن ذ يِنِّي يجهْذن يَارِّي-ثن اَخَاسن فُوْرّْجن يِوْذَان يفْضح-يثن يرْبح-يثن خ صَّلِيب.

أيث-كولوس 2:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:29

إِيوَا مَامّش؟ وَار يزمَّر حَدّ اَذ يهْجم خ ثدَّارْث ن شَان يِجّن يجْهذ بَاش اَذ يَاشَار اَݣْڒَا نّس إِلَّا مڒَا يشدّ-يث ذ اَمزْوَارُو. أُوْشَا اَذَاس يَاوِي مَارَّا مِين غَارس ذِي ثدَّارْث.

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

لوقا 11:22

وَلَكِن مڒَا يهْجم خَاس ونِّي خَاس يجهْذن، أَتَاف اَث يغْڒب اَذَاس يكّس مَارَّا ڒسْنَاح إِي خف يعوّڒ اَذَاس يَاوِي اَݣْڒَا نّس مَارَّا."

يوحنا 16:11

أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

يوحنا 19:30

وَامِي يقَّاس عِيْسَى اَمَان نِّي، ينَّا: "ئِتْوَاكمّڒ!" ئِسَذَار اَزدْجِيف نّس، ئِسلّم بُوْحْبڒ نّس.

1 أيث-كورينث 15:24

ثُمَّا اَذ يِيڒِي ڒفْنَا ن دُّنشْت-أَ. لْمَسِيح اَذ يقْضَا خ مَارَّا ڒحْكَام ذ ڒْمخْزن ذ جّْهذ إِݣ يدْجَان، ثُمَّا اَذ يجّ ڒحْكَام نِّي نّس إِ أَربِّـي بَابَاس.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 3:10

مِين يخطّط نتَّا؟ يِنِّي إِݣ يحكّْمن ذ يِنِّي إِݣ يجهْذن ذݣ يجنَّاثن ڒخُّو اَذ سّْنن خ وفُوْس ن جْمَاعث ن ڒْمُوْمِنِين مِين ثعْنَا ڒفْهَامث ن أَربِّـي خ مَارَّا ثِمسْڒَايِين.

أيث-ؤفسوس 4:8

خ مَانَايَا يقَّار لْكِتَاب: <وَامِي يݣَعّذ غَار ومْشَان نِّي إِي يُوْعْڒَان، يُوْوِي اَكِذس خَربِّي ذ يمحْبَاس يُوْشَا-ٱسن لْهَدِيَاث إِ يرْيَازن.>

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

أيث-كولوس 1:16

زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

أيث-كولوس 2:10

كنِّيو ثُوْذَارْث نْوم ثكْمَاڒ اَك لْمَسِيح يدْجَان نتَّا ذ اَزدْجِيف يتْرَايَّان خ مَارَّا يِنِّي يحكّْمن ذ يِنِّي يجهْذن.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.