أيث-كولوس 2:11 - ثريفيث 2020

¹¹ ذَايس ذِي نتَّا عَاوذ إِي ذِي ثْطهَّارم وَلَكِن مَاشِي ذ يجّن ن طَّهَارث يݣِّين س يفَاسّن ن بْنَاذم؛ لَّا، ثْطهَّارم طَّبِيعَا نْوم ثَعفَّانْت قَاع س يِجّن ن طَّهَارث يݣِّي-ت لْمَسِيح.

أيث-كولوس 2:11 ပူးပေါင်းရင်းမြစ်များ

مرقس 14:58

"نتْسْڒَا-يَاس يقَّار قَا نش اَذ هذْمغ ثَمْزِيذَا-يَا ثَمقّْرَانْت إِي بْنَان يِوْذَان س يفَاسّن، أَذ بْنِيغ يجّن ن ثمْزِيذَا ذِي ثڒْتِيَّام وَار ت بْنِين يِوْذَان س يفَاسّن."

لوقا 2:21

وَامِي يكمّڒ وحنْجِير نِّي ثْمنِيَّام حمَا اَذَايس يطهَّار، سمَّان-ث عِيْسَى س يِيسم نِّي مَامْش ث يسمَّا لْمَلَاك نِّي زِي قْبڒ مَا ٱذ يِيڒي ذݣ وعْدِيس ن يمَّاس.

ڒخذايم 17:24

ئِخْڒق-د دُّنشْت-أَ ذ مَارَّا مِين ذَايس، نتَّا ذ سِيذِي أَربِّـي ن وجنَّا ذ ثْمُوْرْث. وَار يزدّغ شَا ذِي زَّاوْيَاث نِّي إِݣ بنَّان يِوْذَان س يفَاسّن نْسن.

ڒخذايم 7:48

وَاخَّا اَمنِّي قَا أَربِّـي يُوْعْڒَان وَار يزدّغ شَا ذِي ثُوْذْرِين إِي بنَّان س يفَاسّن. أَمش ينَّا نَّبِي إِشَعْيَا:

أيث-روما 2:29

وَلَكِن اَئِسْرَائِيلِي يدْجَان ذ صَّح يتِيڒِي غَارس مَانَايَا غَار ذَاخڒ. أُو ذ طَّهَارث ن صَّح تِيڒِي ذݣ وُوْڒ س أَرُّوح ن أَربِّـي، وَار يدْجِي بُو س شَّرِيعَا. بْنَاذم-أَ وَار ث تْشكَّرن شَا يِوْذَان، ئِتْشكَّر-يث أَربِّـي.

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أيث-روما 7:24

يَا ڒفْضِيحث ينُو نش! وِي ذَايِي غَا يسْنجْمن زِي دَّات-أَ ثَانِيتَا ن ڒْموْث؟

22 أيث-كورينث 5:1

شُوْف، نشِّين نسّن مڒَا يرز وقِيضُوْن-أَ يعْنِي دَّات نّغ ن دُّنشْت-أَ، أَتَاف غَارْنغ يجّن ن ثْزدِّيغْث نّغْنِي زِي أَربِّـي. ثَدَّارْث نِّي وَار يبْنِين شَا س يفَاسّن تْدُوْمَا إِ ڒبْدَا.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

يعيبرانيين 9:11

فَا لْمَسِيح وَامِي د يحْضَار ذ ڒفْقِي اَمقّْرَان ن ثْمسْڒَايِين-أَ إِي د يُوْسِين، يعْنِي يُوْذف اَقِيضُوْن نِّي يدْجَان عَظِيم وَار ذَاس ينْقِيس وَالُو وَار ث بْنِين شَا يفَاسّن ن بْنَاذم، وَار يدْجِي شَا زِي مِين د يتْوَاخڒْقن ذِي دُّنشْت-أَ.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.