أيث-كولوس 1:27 - ثريفيث 2020

²⁷ نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 1:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

لوقا 17:21

لَّا، أَتَاف يوْذَان وَار قَّارن شَا قَا خْزَرث اَقَاث ذِيهَا نِغ اَقَاث ذَا! مَايمِّي؟ أَتَاف ڒْمُلْك ن أَربِّـي اَقَاث ذَايْوم."

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:20

ذِي نْهَار نِّي اَذ تسّْنم بلِّي نش اَقَايي ذِي بَابَا، كنِّيو ذَايِي، نش ذَايْوم.

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 17:26

نش سْبيّْنغ-اَسن-د يسم نّش أُو عَاذ اَث سْبيّْنغ حمَا اَذَايْسن ثِيڒِي ڒمْحِبّث نِّي إِي زِي ذَايِي تْحِبِّيذ، أَذَايْسن يڒِيغْ نش س يِيخف ينُو."

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

أيث-روما 11:33

مشْحَاڒ يمْغَر وَاݣْڒَا ن ڒفْهَامث ذ ثُوْسْنَا ن أَربِّـي! وَار تْوَاشرّْحن لْأَحْكَام نّس، وَار تْوَافهّْمن يبْرِيذن نّس.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 8:10

ثُمَّا لْمَسِيح مڒَا اَقَاث ذَايْوم، دَّات نْوم وَاخَّا ثمُّوْث س سَّبَاب ن ڒْمُعْصِيّث، أَرُّوْح نْوم يدَّر س سَّبَاب ن صُّلْح.

أيث-روما 9:23

يݣَّا اَمنِّي لِأَنَّا يخس اَذ يسْمظْهَار لْعَظَمَا نّس يمْغَارن خ يِيْنَا إِݣ يرْحم، يعْنِي يغرَّافن-أَ إِݣ يسوْجذ زِي قْبڒ إِ لْعَظَمَا، يعْنِي ذ نشِّين. ئِڒَاغَا-يَانغ-د إِ نشِّين إِي د يُوْسِين زِي أَيث-إِسْرَائِيل ؤُڒَا ذ يِنِّي وَار يدْجِين شَا زِي أَيث-إِسْرَائِيل.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 4:19

آ ثَارْوَا ينُو، كسِّيغ خَاوم يجّن ن ومْنُوْس عَاوذ اَمشْنَاو ڒحْرِيق ن ثَارْوَا حتَّا ٱڒ د يخْڒق لْمَسِيح ذَايْوم!

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 2:22

ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.

أيث-فيليـپـي 4:19

أَقَا أَربِّـي ينُو اَذَاوم يُوْش قَاع مِين ثحْذَاجم عْلَاحْسَاب اَݣْڒَا نّس لْعَظِيم ذِي عِيْسَى لْمَسِيح.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

أيث-كولوس 2:3

ذَايس ذِي نتَّا إِي تْوَاسْنُوْفَّرن مَارَّا ڒْكُنُوْز ن ڒفْهَامث ذ مَارَّا ڒْكُنُوْز ن ثُوْسْنَا.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

1 تيموتاوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ.

يعيبرانيين 6:19

لْأَمَال-أَ يتِيڒِي غَارْنغ اَم يِجّن ن ؤُڒِيزِيم ن وغَرَّابُو ن ڒَعْمَار نّغ، يرْسق س جّْهذ وَار يضدْجق. يُوْذف لْأَمَال-أَ يعْذُو غَار ذفَّار ن اَرّْوَاق ن وخَّام اَمْقدّس اَطَّاس.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

لواحي ن يوحنا 3:20

قَا نش بدّغ زَّاث إِ ثوَّارْث سْقرْقُوْبغ. مڒَا يسْڒَا شَان يجّن إِ ثْمِيجَّا ينُو قَا اَذ يرْزم ثَوَّارْث، أَتَاف اَغَارس اَذْفغ اَكِذس شّغ اَكِذِي يشّ.