أيث-كولوس 1:25 - ثريفيث 2020

²⁵ جْمَاعث-أَ ذوْڒغ غَارس نش ذ يجّن ن وخدَّام نّس عْلَاحْسَاب لْوَاجِب نِّي زِي أَربِّـي إِي ذَايِي د يمُّوْشن بَاش اَكنِّيو بشَّرغ س وَاوَاڒ يكْمَاڒ ن أَربِّـي.

أيث-كولوس 1:25 ပူးပေါင်းရင်းမြစ်များ

1 أيث-كورينث 3:5

إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم.

1 أيث-كورينث 9:17

مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.

أيث-ؤفسوس 3:2

مَا ثسْڒَام نِغ لَّا خ لْمسْؤُوْلِيَا نِّي، يعْنِي يجّن ن لْبَرَكَا إِي ذَايِي يُوْشَا أَربِّـي خَاوم كنِّيو؟

أيث-ؤفسوس 3:7

ذوْڒغ ذ اَخدَّام ن لْإِنْجِيل-أَ عْلَاحْسَاب لْبَرَكَا ن أَربِّـي وَامِي ذَايِي ت يهْذَا يسخْذم-يت س جّْهذ نّس.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

1 تيموتاوس 4:6

ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.