أيث-كولوس 1:17 - ثريفيث 2020

¹⁷ ذ نتَّا إِݣ يدْجَان قْبڒ خ ثْمسْڒَايِين قَاع أُو خ دْسَاس نّس إِي تْمُوْننْت قَاع ثِمسْڒَايِين.

أيث-كولوس 1:17 ပူးပေါင်းရင်းမြစ်များ

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

ڒخذايم 17:28

زَّايس نتَّا إِي ندَّر، زَّايس نتَّا إِي نْتنْهزَّا، زَّايس نتَّا إِي ندْجَا. مَامّش نَّان ؤُڒَا ذ ڒبْعَاض ن شُّعَرَاء نْوم قَا نشِّين ذ ثَارْوَا نّس.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش: