أيث-كولوس 1:14 - ثريفيث 2020

¹⁴ زَّايس نتَّا يسنْجم-اَنغ يعْنِي يغْفَر-اَنغ ڒْمُعْصِيَاث نّغ.

أيث-كولوس 1:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

لوقا 5:20

نتَّا وَامِي يࢲْرَا لْإِيمَان نْسن ينَّا-ٱس إِ ونشْرُوف نِّي: "آي اَرْيَاز، تْوَاغْفَرنْت-اَش ڒْمُعْصِيَاث نّش."

ڒخذايم 10:43

مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

أيث-ؤفسوس 1:7

ئِفكّ-اَنغ-د سِيذِي أَربِّـي س لْفِدْيَا نِّي ن مِّيس يعْنِي س يذَامّن نّس بَاش اَذ تْوَاغْفَرنْت ڒْمُعْصِيَاث نّغ عْلَاحْسَاب اَݣْڒَا ن اَرْضَا نّس.

أيث-ؤفسوس 4:32

تݣّث ڒْخِير اَك وَايَاوْيَا، تْحِنَّام خ وَايَاوْيَا. سمّْحم إِ وَايَاوْيَا مَامّش ذَاوم يغْفَر أَربِّـي ذِي لْمَسِيح.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-كولوس 2:13

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ طَّبِيعَا نْوم وَار يطهَّارن شَا، وَلَكِن أَربِّـي يسدَّر-د كنِّيو اَك لْمَسِيح وَامِي ذَانغ يغْفَر قَاع ڒْمُعْصِيَاث نّغ.

أيث-كولوس 3:13

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 9:12

يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.

يعيبرانيين 9:22

أُو ذ صَّح عْلَاحْسَاب شَّرِيعَا ن مُوْسَى عْڒَاين مَارَّا ثِمسْڒَايِين اَذ تْوَاسِّيصْفَانْت س يذَامّن. أُو بْڒَا مَا ٱذ اَزّْڒن يذَامّن اَتَاف ڒْمُعْصِيَاث وَار تْوَاغْفِيرنْت شَا.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 يوحنا 1:9

وَلَكِن مڒَا نعْتَرف س ڒْمُعْصِيَاث نّغ إِ أَربِّـي، نتَّا اَقَاث نِيشَان ذَايس تِّقث، أَذَانغ يغْفَر ڒْمُعْصِيَاث نّغ اَذَانغ يسِّيصْفَا زِي مَارَّا شَّرّْ.

1 يوحنا 2:12

آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.

1 يوحنا 2:2

ذ نتَّا إِݣ يرُوْحن ذ لْفِدْيَا خ ڒْمُعْصِيَاث نّغ أُو مَاشِي غِير خ ڒْمُعْصِيَاث نّغ وَاهَا، حتَّا ؤُڒَا ذ ڒْمُعْصِيَاث ن دُّنشْت-أَ اَمن-ثكْمَاڒ.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 14:4

يِـيْنَا ذ يِنِّي وَار يࢲْرِين عمَّارْص ثِمْغَارِين قِّيمن ذ يعْزْرِيْين. يِـيْنَا ذ يِنِّي يذفَّارن يزْمَار مَانِي مَا يرُوْح. تْوَاسْنجْمن نِثْنِي زِي ڒْوسْط ن يِوْذَان حمَا اَذ تْوَاقدّْمن ذ يمزْوُوْرَا إِ أَربِّـي ذ يِزْمَار.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.