أيث-كولوس 1:13 - ثريفيث 2020

¹³ ئِسفْڒث-اَنغ زِي ڒحْكَام ن ثَادْجسْت يسِّيوض-اَنغ غَار ڒْمُلْك ن مِّيس يعِيزّن.

أيث-كولوس 1:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:17

سّنِّي يڒَاغَا-د يجّن ن صُّوْت زݣ وجنَّا ينَّا-د: "وَا ذ ممِّي يعِيزّن، نش فَرّْحغ زَّايس."

لوقا 13:24

"ݣّث مَامْش غَا ثَاذْفم زِي ثوَّارْث يحْصَارن. أَذَاوم ينِيغ: أَطَّاس ن يِوْذَان اَتَاف اَذ رْزُوْن اَذ اَذْفن وَلَكِن وَار زمَّرن.

لوقا 22:53

تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 3:35

بَابَاس يعِيزّ خَاس مِّيس، يݣّا-ٱس كُڒْشِي ذݣ وفُوْس نّس.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

22 أيث-كورينث 11:14

إِيوَا وَار نسْتغْڒِيب شَا لِأَنَّا شِّيطَان نتَّا س يِيخف نّس يسْنعْمِيڒ ذ يجّن ن لْمَلَائِكَا ن نُّوْر.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.

أيث-ؤفسوس 5:5

لِأَنَّا ونِّي يتݣّن لْفَسَاد نِغ ذ مِين يسخْنِيزن نِغ ذ مِين يسظْمَاعن، يعْنِي نتَّا ذ ونِّي يعبّْذن لْأَصْنَام، أَقَا تسّْنم بْڒَا شّكّ بلِّي مَارَّا يِنِّي يتݣّن مَانَايَا وَار غَارْسن بُو لْوَارث ذِي ڒْمُلْك ن لْمَسِيح نِغ ذِي أَربِّـي.

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

1 يوحنا 2:8

وَلَكِن نتَّاث عَاوذ ذ يجّن ن ڒُوْصِيّث ذ جْذِيذ إِي ذَاوم د ؤُرِيغ. لْحَقِيقَا نّس نتْوَاڒَا-ت ذِي عِيْسَى نتْوَاڒَا-ت ذَايْوم ڒَاحقَّاش ثَادْجسْت ثْعدُّو، ڒخُّو نُّوْر ن صَّح صَافِي يتْشعْشِيع-د.

1 يوحنا 3:14

نشِّين نسّن بلِّي نࢲْوَا زِي ڒْموْث غَار ثُوْذَارْث ڒَاحقَّاش نْتخْس أَيثْمَاثْنغ. ونِّي وَار يتخْسن شَا عَاذ اَقَاث يتْعِيش ذِي ڒْموْث.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.