ڒخذايم 9:34 - ثريفيث 2020

³⁴ ينَّا-ٱس بُطْرُس: "آ عِيْنْيَاس، قَا شك يسْݣنْفَا-شك عِيْسَى لْمَسِيح! كَّر جْمع ثَاسُّوْث نّش." ڒخْدّنِّي يكَّر يبدّ خ يضَارن.

ڒخذايم 9:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 8:3

ئِسرْس خَاس عِيْسَى فُوْس نّس يحَاذَا-ث ينَّا-ٱس: "وَاه نش خْسغ، شك قَا ثْݣنْفِيذ." صَافِي ذݣ ومْشَان يݣنْفَا ومهْڒُوْش نِّي زِي جْذَام نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:6

نش خْسغ اَذ تسّْنم بلِّي مِّيس ن بْنَاذم غَارس سُّلْطَا خ ثْمُوْرْث حمَا اَذ يغْفَر ڒْمُعْصِيَاث." أُوْشَا ينَّا-ٱس إِ ونشْرُوْف نِّي: "كَّر، يْسِي ثَاسُّوْث نّش، رُوْح اَذ تْروّْحذ غَار ثدَّارْث نّش."

يوحنا 2:11

ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

ڒخذايم 16:18

ثݣَّا مَانَاينِّي اَطَّاس ن نْهُوْرَاث، بُوْلُس وَار ذَاس يعْجِيب بُو ڒْحَاڒ. ئِنقْڒب-د غَارس ينَّا-ٱس إِ جّنّ نِّي إِي ذَايس: "نش تَامَرغ-شك عْلَاحْسَاب يسم ن عِيْسَى لْمَسِيح اَزَّايس ثفّْغذ." ڒخْدّنِّي يفّغ جّنّ نِّي زَّايس ذݣ ومْشَان.

ڒخذايم 3:12

وَامِي ثن يࢲْرَا بُطْرُس ينَّا-ٱسن: "آي يرْيَازن ن أَيث-إِسْرَائِيل، مَايمِّي ثتْعجّْبم خ مَانَايَا؟ مَايمِّي ذَايْنغ تْخزَّرم اَمُّو؟ مَا تْفكَّرم س جّْهذ نّغ نِغ س طَّاعَا نّغ إِي زِي نَارَّا اَرْيَاز-أَ يݣُّوْر؟

ڒخذايم 3:16

ذݣ يِيسم ن عِيسى يعْنِي ذ لْإِيمَان س يِيسم نّس، أَقَا اَرْيَاز-أَ إِي تْوَاڒَام إِي ثسّْنم يذْوڒ يجْهذ. س لْإِيمَان نّس ذِي عِيْسَى إِي زِي يݣنْفَا قَاع مَامّش تْوَاڒَام مَارَّا كنِّيو.

ڒخذايم 3:6

ئِنْدق-د بُطْرُس ينَّا-ٱس: "نش وَار غَاري نُّقَارْث نِغ ذ دّْهب. وَلَكِن زِي مِين غَارِي نش اَذَاش ث ؤُشغ. ينَّا-ٱس: عْلَاحْسَاب يسم ن عِيْسَى لْمَسِيح زي نَاصِرَا، كَّر ؤُيُوْر!"

ڒخذايم 4:10

إِيوَا يتْخصَّا اَذ تسّْنم كنِّيو ذ مَارَّا أَيث-إِسْرَائِيل بلِّي اَرْيَاز-أَ إِي ذَا يبدّن زَّاثْوم يݣّنْفَا س يِيسم ن عِيْسَى لْمَسِيح زِي نَاصِرَا. كنِّيو ثْصلّْبم-ث، وَلَكِن أَربِّـي يسكَّر-يث-يذ زِي ڒْموْث.

ڒخذايم 9:33

يُوْفَا ذِنِّي يجّن ن ورْيَاز قَّارن-اَس عِيْنْيَاس، نتَّا يزّڒ ثْمنْيَا يسݣّْوُوْسَا ذِي ثَاسُّوْث مُّوْثن-اَس يضَارن.

ڒخذايم 9:35

مَارَّا يوْذَان إِي زدّْغن ذݣ وبِيلَاج ن لُوْدَّا ذ ڒوْضَا ن شَارُوْن ࢲْرِين-ث تُوْبن غَار سِيذِي أَربِّـي.