ڒخذايم 9:27 - ثريفيث 2020

²⁷ بَرْنَابَا يكَّر يكلّف زَّايس يُوْوِي-ث غَار اَرُّسُل. ئِعَاوذ-اَسن خَاس مَامّش ذَاس د يمظْهَار سِيذِيثْنغ إِ شَاوُل ذݣ وبْرِيذ نِّي ذ مَامّش إِي كِس يسِّيوڒ ذ مَامّش يتْحدَّاث س زْعَامث عْلَاحْسَاب يسم ن عِيْسَى ذِي دِمَشق.

ڒخذايم 9:27 ပူးပေါင်းရင်းမြစ်များ

ڒخذايم 11:22

يُوْوض ڒخْبَار-أَ غَار جْمَاعث ن ڒْمُوْمِنِين ذِي لْقُدْس، كَّرن سّكّن بَرْنَابَا غَار وَانْطَاكْيَا.

ڒخذايم 11:25

ئِرُوْح بَرْنَابا غَار ثنْدِينْت ن طَرْسُوْس يرزُّو خ شَاوُل.

ڒخذايم 12:25

بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.

ڒخذايم 13:2

وَامِي عبّْذن سِيذِي أَربِّـي تْࢲُوْمَّان، ينَّا-ٱسن أَرُّوْح يقدّْسن: حُوْزم-اَيِي-د بَرْنَابَا ذ شَاوُل إِ ڒْخذْمث نِّي ؤُمِي ثن يخْضَرغ.

ڒخذايم 15:2

ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 4:13

خْزَرن لْحُكَّام نِّي ذِي زْعَامث ن بُطْرُس ذ يُوْحَنَّا ؤُفِين-ثن وَار غْرِين شَا نِثْنِي ذ يوْذَان عَادِي. قِّيمن تْعجّْبن، عقْڒن-ثن تُوْغَاثن اَك عِيْسَى.

ڒخذايم 4:29

آ سِيذي، ڒخُّو خْزَر مَامّش ذَانغ تْهدَّاذن، ؤُش-اَنغ إِ نشِّين لْعِبَاد نّش أَ نسِّيوڒ س وَاوَاڒ نّش س زْعَامث.

ڒخذايم 4:36

ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص.

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

ڒخذايم 9:29

ئِسَّاوَاڒ اَك يسْرَائِيلِيْين يِنِّي يسَّاوَاڒن س لُّغَا ثَيُوْنَانِيث يتمْنَاقَار اَكِذْسن، سّنِّي نِثْنِي رزُّوْن اَث نْغن.

1 أيث-كورينث 15:8

غَار ونݣَّارُو قَاع يمظْهَار-اَيِي-د إِ نش، اَخْمِي نش عظْڒغ وَار د خْڒِيقغ شَا ذِي زْمَان ينُو نِيشَان.

1 أيث-كورينث 9:6

مَا نش ذ بَرْنَابَا وَاحذْنغ إِي وَار غَار يدْجِي ڒْحَقّ ذِي شَّارْض، مَا يتْخصَّا-يَانغ إِ نشِّين أَ نخْذم ذِي شَان ڒْحَاجث نّغْنِي بَاش أَ نْعِيش؟

أيث-ݣلاطيا 2:13

ڒخْدّنِّي ذْفَارن-ث ذِي نِّفَاق نّس يسْرَائِيلِيْين نّغْنِي إِي يُوْمْنن. ؤُڒَا ذ بَرْنَابَا س يِيخف نّس سْبعّْذن-ث زݣ وبْرِيذ نِيشَان ذي نِّفَاق-أَ نْسن.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.