ڒخذايم 9:2 - ثريفيث 2020

² ئِتَّار زَّايس اَرُّخْصَاث اَثنْت ييْسِي غَار ثمْزِيذَاوِين ن أَيث-إِسْرَائِيل ذِي دِمَشق بَاش يِنِّي غَا يَاف ذفَّارن اَبْرِيذ ن عِيْسَى س ثمْغَارِين ذ يرْيَازن اَثن يَاوِي ذ يمحْبَاس غَار لْقُدْس.

ڒخذايم 9:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:17

حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

ڒخذايم 18:25

أَرْيَاز-أَ يڒْمذ خ وبْرِيذ ن سِيذِيثْنغ، ئِسَّاوَاڒ س جّْهذ ذ اَمقّْرَان، ئِسڒْمَاذ نِيشَان خ عِيْسَى. وَلَكِن يسّن غِير خ وطهَّار نِّي ن وَامَان إِݣ يسخْذم نَّبِي يَحْيَى.

ڒخذايم 19:23

ذِي ڒْوقْث نِّي ثوْقع يجّن ن ڒْفَوْضَا ثمْغَار خ سَّبَاب ن وبْرِيذ ن سِيذِيثْنغ.

ڒخذايم 19:9

ڒبْعَاض زَّايْسن طّْفن اَكِذس ثَغنَّانْت ؤُݣِين اَذ اَمْنن، تُوْكَّارن ذِي تَّعْلِيم ن سِيذِيثْنغ زَّاث إِ يِوْذَان. سّنِّي يفّغ-د بُوْلُس زِي ثمْزِيذَا نِّي يُوْوِي اَكِذس يمحْضَارن نّس، كُڒ نْهَار يسڒْمَاذ-يثن ذِي لْمَرْكز ن تِيرَانُّوْس.

ڒخذايم 24:14

وَلَكِن قَّارغ-اَش نش تَعْتَرَافغ زَّاثش عبّْذغ أَربِّـي ن ڒجْذُوْذ نّغ عْلَاحْسَاب اَبْرِيذ-أَ إِي حسّْبن نِثْنِي زَعْمَا ذ لْبِدْعَا. تَامْنغ س مَارَّا مِين يتَافَاقن اَك شَّرِيعَا ذ مِين د يُوْرِين ذِي لْكُتُب ن لْأَنْبِيَا.

ڒخذايم 24:22

فِيلِيكْس نتَّا يسّن مْلِيح خ وبْرِيذ-أَ ن عِيْسَى، وَلَكِن ئِأَجّل لْحُكم نّس ينَّا-ٱسن: "حتَّا اَذ د يَاس اَرَّايس ن ڒْعَسْكَار لِيسْيَاس عَاذ إِي غَا حكْمغ خ مَانَايَا."

ڒخذايم 26:10

أَمنِّي إِي ݣِّيغ ذِي ثنْدِينْت ن لْقُدْس. س اَرُّخْصَا ن اَرُّوْيَاس ن ڒْفُقَهَا تْحبَّاسغ اَطَّاس ن ڒْمُوْمِنِين صَّالِحِين. خْمِي خَاسن تَاحْكَامن س ڒْموْث، نش تَافَاقغ خ مَانَاينِّي.

ڒخذايم 26:12

س مَانَايَا إِي رُوْحغ يجّن ن نْهَار غَار ثنْدِينْت ن دِمَشق، يْسِيغ-د اَرُّوْخْصَا ن اَرُّوْيَاس ن ڒْفُقَهَا ذ تّسْرِيح نْسن.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

ڒخذايم 7:19

ئِخدّع شَّعْب نّغ يسّكّ-يت خ ڒجْذُوْذ نّغ، ئِتݣّ خَاسن بسِّيف بَاش اَذ نْضَرن يسيْمَان نْسن غَار بَارَّا حمَا اَذ مّْثن.

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

ڒخذايم 9:21

تْعجّْبن مَارَّا ينِّي يتسْڒَان قَّارن: مَا وَار يدْجي ذ وَانِيتَا يرْزُوْن اَذ يقْضَا خ يِنِّي يتْڒَاغَان خ يِيسم-أَ ن عِيْسَى ذِي لْقُدْس؟ مَا وَار يدْجِي غَارْسن إِي د يُوْسَا ذَانِيتَا بَاش اَثن يطّف اَثن يَاوِي غَار اَرُّوْيَاس ن ڒْفُقَهَا؟

22 أيث-كورينث 11:32

ذِي ثنْدِينْت ن دِمَشق قَا لْوَالِي ن وزدْجِيذ حَارِث يݣَّا ڒْعَسّث ذِي ثنْدِينْت حمَا اَذَايِي يطّف.

أيث-ݣلاطيا 1:17

وَار ݣَعّْذغ شَا غَار ثنْدِينْت ن لْقُدْس بَاش اَذ ࢲرغ يِنِّي تُوْغَا يدْجَان ذ اَرُّسُل قْبڒ إِ نش. لَّا، نش رُوْحغ نِيشَان غَار ثْمُوْرْث ن وَاعْرَابن أُو سّنِّي ذوْڒغ-د عَاوذ غَار ثنْدِينْت ن دِمَشق.