ڒخذايم 9:17 - ثريفيث 2020

¹⁷ ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

ڒخذايم 9:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:13

ؤُوِين-د يِوْذَان شَان يحنْجِيرن ذ يمزْيَانن غَار عِيْسَى حمَا اَخَاسن يسرْس يفَاسّن اَخَاسن يࢲَّادْج، وَلَكِن عَارّْضن-اَسن يمحْضَارن نّس.

مرقس 5:23

يحشّم-يث اَطَّاس ينَّا-ٱس قَا يدْجِي ثَمزْيَانْت اَقَّا تْمتَّا. أَرَاح-د سرْس خَاس يفَاسّن نّش حمَا اَذ تْݣنْفَا اَذ تدَّر.

مرقس 6:5

وَار يزمَّر شَا اَذ يݣّ ذِنِّي لْمُعْجِيزَا، غِير يحَاذَا ذْرُوْس ن يمهْڒَاش س يفَاسّن نّس يسْݣنْفَا-ثن.

لوقا 1:41

وَامِي ثسْڒَا إِلِيزَابت إِ سْڒَام ن مَرْيَم، ئِنْهزّ وسيْمِي نِّي ذݣ وعدِّيس نّس، نتَّاث ثشُّوْر س أَرُّوْح يقدّْسن.

لوقا 1:67

زَكَرِيَا بَابَاس ن يَحْيَى، يشُّوْر س أَرُّوْح يقدّْسن، ئِسِّيوڒ س مِين يعْڒم زِي أَربِّـي ينَّا:

لوقا 1:76

ئِي شك آي اَحنْجِير، أَذَاش تْڒَغَان نَّبِي ن ونِّي يُوْعْڒَان، مِينْزِي اَذ تُوْيُوْرذ غَار زَّاث حمَا اَذ تسْوجْذذ اَبْرِيذ إِ سِيذِي أَربِّـي.

لوقا 15:30

وَامِي د يُوْسَا مِّيش-أَ وَانِيتَا إِݣ يـسْپـرْضْرن اَݣْڒَا نّش ذِي لْفَسْدَاث وَاهَا، شك مِين ثݣِّيذ؟ ثْغَرْصذ-اَس إِ وينْدُوز يصحّن؟

لوقا 15:32

ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."

لوقا 2:11

ئِخْڒق-د نْهَارَا ذݣ وبِيلَاج ن دَاود ونِّي إِي كنِّيو غَا يسْنجْمن، نتَّا ذ سِيذِيثْنغ لْمَسِيح.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

ڒخذايم 13:3

وَامِي ࢲُوْمّن ࢲُّوْدْجن، ڒخْدّنِّي سرْسن خَاسن يفَاسّن نْسن سّكّن-ثن.

ڒخذايم 13:52

ئِمحْضَارن يدْجَان ذِنِّي شُّوْرن س ڒفْرَاحث ذ أَرُّوْح يقدّْسن.

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 2:4

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

ڒخذايم 21:20

وَامِي سْڒِين إِ مَانَاينِّي، حمْذن أَربِّـي نَّان-اَس إِ بُوْلُس: "شُوْف آي ؤُمَاثْنغ مشْحَاڒ ن ؤُڒُوْفَاث ن يسْرَائِيلِيْين إِي يُوْمْنن! مَارَّا إِذْسن رزُّوْن اَذ ݣّن لْوَاجِب عْلَاحْسَاب شَّريعا نّغ.

ڒخذايم 26:15

نِّيغ-اَس: مِين ثعْنِيذ شك آ سِيذِي؟ ينَّا-ٱيِي قَا نش ذ عِيْسَى ونِّي إِي تْعدَّابذ.

ڒخذايم 4:31

وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

ڒخذايم 6:6

سبْعَا-يَا ن صَّحَابَا قدّْمن-ثن غَار اَرُّسُل، ࢲُّوْدْجن خَاسن سرْسن خَاسن يفَاسّن نْسن بَرَكن-ثن.

ڒخذايم 8:17

ثُمَّا بُطْرُس ذ يُوْحَنَّا سرْسن خَافْسن يفَاسّن نْسن أُوْشَا يمُّوْش-اَسن أَرُّوْح يقدّْسن.

ڒخذايم 9:18

ڒخْدّنِّي ثوْضَا-يَاس-د يجّن ن ڒْحَاجث زِي ثِيطَّاوِين نّس اَم ثقْشُوْرْث، يذْوڒ يتْوَاڒَا. ئِكَّر يتْوَاطهَّار س وَامَان.

أيث-روما 15:7

س مَانَايَا قبْڒث اَيَاوْيَا مَامّش إِي كنِّيو يقْبڒ لْمَسِيح حمَا اَذ تْسمْغَارم أَربِّـي.

1 أيث-كورينث 15:47

بْنَاذم اَمزْوَارُو يتْوَاصنَّع زݣ وشَاڒ ن ثْمُوْرْث، بْنَاذم وِيس ثْنَاين يُوْسَا-د زݣ وجنَّا.

1 أيث-كورينث 15:8

غَار ونݣَّارُو قَاع يمظْهَار-اَيِي-د إِ نش، اَخْمِي نش عظْڒغ وَار د خْڒِيقغ شَا ذِي زْمَان ينُو نِيشَان.

1 أيث-كورينث 9:1

غَارِي لْحُرِّيَا يعْنِي نش مَاشِي ذ يسْمغ. نش ذ اَرَّسُوْل، ࢲْرِيغ سِيذِيثْنغ عِيْسَى. يَاش ذ كنِّيو إِي يدْجَان ذ نَّتِيجَا ن ڒْخذْمث ينُو ذِي سِيذِيثْنغ، نِغ لَّا؟

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 5:22

ئِفَاسّن نّش وَار تْقدْجِيق شَا اَثن تْسرْسذ خ شَان حَدّ، وَار شَرّش شَا ذِي ڒْمُعْصِيَاث ن مِيدّن. قِّيم شك ثصْفِيذ.

2 تيموتاوس 1:6

خ مَانَايَا اَش فكَّرغ بَاش اَذ تْسنْهزّذ لْقُدْرَا نِّي إِي ذَايش يدْجَان زِي أَربِّـي عْلَاحْسَاب وَامِي خَاش سرْسغ يفَاسّن ينُو.

ثبرات غار فليمون 1:16

وَلَكِن ڒخُّو مَاشِي اَم يسْمغ، نتَّا حْسن زݣ يسْمغ: أَم ؤُمَاش إِي خَاش يعِيزّن. نتَّا يعِيزّ خَافِي، وَلَكِن شك يعِيزّ خَاش كْتَار: ذِي ڒْخذْمث أُو عَاوذ اَم ؤُمَاش ذِي سِيذِيثْنغ.

يعيبرانيين 6:2

نِغ خ يبْرِيذن بَاش اَذ تْوَاطهَّارن يِوْذَان س وَامَان، نِغ خ مَامّش غَا نݣّ أَ نْسرْس يفَاسّن نّغ خ يِوْذَان، نِغ خ لْقِيَامَا ن يمتِّينن، نِغ خ لْحِسَاب نِّي وَار يفنِّين شَا.

2 بطرس 3:15

حسْبم صّْبَر ن سِيذِيثْنغ نتَّا اَم يِجّن ن ڒْحَاجث إِي كنِّيو يسنْجَامن. ذ مَانَايَا إِي ذَاوم د يُوْرَا ؤُمَاثْنغ يعِيزّن بُوْلُس س ڒفْهَامث إِي ذَاس د يمُّوْشن.