ڒخذايم 8:25 - ثريفيث 2020

²⁵ وَامِي بُطْرُس ذ يُوْحَنَّا شهْذن خ عِيْسَى بشَّرن نِثْنِي س وَاوَاڒ ن سِيذِي أَربِّـي، كَّرن ذوْڒن غَار لْقُدْس بشَّرن س لْإِنْجِيل ذݣ وَاطَّاس ن ڒدْشُوْرَاث ذِي سَمَارْيَا.

ڒخذايم 8:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:5

ثنْعَاش-أَ ن يرْيَازن يسّكّ-يثن عِيْسَى يوصَّا-ثن ينَّا-ٱسن: "وَار تْرَاحم شَا غَار ثْمُوْرَا ن ڒݣْنُوْس. وَار تِيذْفم بُو ثِندَّام ن ثْمُوْرْث ن سَامَرْيَا.

لوقا 16:28

غَارِي خمْسَا ن أَيْثْمَا خْسغ اَثن يعْڒم حمَا ؤُڒَا ذ نِثْنِي وَار تْعدِّيبن شَا ذݣ ومْشَان-أَ.

يوحنا 15:27

أَذ تْشهْذم ؤُڒَا ذ كنِّيو عَاوذ مِينْزِي اَقَا كنِّيو اَكِذِي زݣ ومزْوَارُو."

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

ڒخذايم 28:28

إِيوَا يتْخصَّا اَذ تسّْنم ؤُڒَا ذ يِنِّي وَار يدْجِين شَا ذ يسْرَائِيلِيْين أَربِّـي اَثن يسنْجم، نِثْنِي اَذَاس سْڒن."

ڒخذايم 28:31

ئِتْحدَّاث-يثن س ڒْمُلْك ن أَربِّـي، ئِسڒْمَاذ خ سِيذِيثْنغ عِيْسَى لْمَسِيح س يِجّن ن زْعَامث ذ لْحُرِّيَا.

ڒخذايم 8:40

فِيلِيپَّـاس يُوْفَا يخف نّس ذِي ثنْدِينْت ن وَاشْدُوْد، ئِتْرَاح زݣ ومْشَان غَار ومْشَان يتْبشَّار س لْإِنْجِيل ذِي مَارَّا يبِيلَاجن حتَّا ٱڒ وَامِي يُوْوض غَار ثتْدِينْت ن قَيْصَارِيَا.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.