ڒخذايم 8:12 - ثريفيث 2020

¹² وَلَكِن وَامِي ثن يبشَّر فِيلِيپَّـاس س ڒْمُلْك ن أَربِّـي ذ يِيسم ن عِيْسَى لْمَسِيح ڒخْدّنِّي ؤُمْنن تتْوَاطهَّارن س وَامَان س يرْيَازن ذ ثمْغَارِين.

ڒخذايم 8:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

لوقا 9:2

ئِسّكّ-يثن حمَا اَذ بشَّرن س ڒْمُلْك ن أَربِّـي اَذ سْݣنْفَان يمهْڒَاش.

لوقا 9:60

ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

ڒخذايم 1:3

وَامِي يعْذُو ڒَعْذَاب ن ڒْموْث نّس، يتْمظْهَار-اَسن-د خ يِجّن ن اَرْبعِين يُوْم يسفْهَام-يثن مبْڒَا شّكّ نتَّا اَقَا يدَّر. ئِتَاس-د غَارْسن يسَّاوَاڒ اَكِذْسن خ ڒْمُلْك ن أَربِّـي.

ڒخذايم 11:20

وَلَكِن ڒبْعَاض ن يرْيَازن زِي قُبْرُص ذ لْقُرِينَا ؤُسِين-د غَار وَانْطَاكْيَا بْذَان سَّاوَاڒن اَك ييُوْنَانِيْين تْبشَّارن-ثن س سِيذِيثْنغ عِيْسَى.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

ڒخذايم 19:5

سْڒِين إِ مَانَايَا رُوْحن تْوَاطهَّارن س وَامَان عْلَاحْسَاب يسم ن سِيذِيثْنغ عِيْسَى.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 2:41

سّنِّي يِنِّي يقبْڒن اَوَاڒ نّس رُوْحن تْوَاطهَّارن س وَامَان. نْهَار نِّي مَارْنِين شَان ثڒْتْاَڒَاف إِذْسن غَار ڒْمُوْمِنِين.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 20:25

ڒخُّو كنِّيو ؤُمِي بشَّرغ س ڒْمُلْك ن أَربِّـي سّْنغ نش بلِّي ؤُڒَا ذ يجّن زَّايْوم مَا ٱذ يࢲر اَغمْبُوْب ينُو سَّا ٱڒ ثْسَاونْت.

ڒخذايم 28:31

ئِتْحدَّاث-يثن س ڒْمُلْك ن أَربِّـي، ئِسڒْمَاذ خ سِيذِيثْنغ عِيْسَى لْمَسِيح س يِجّن ن زْعَامث ذ لْحُرِّيَا.

ڒخذايم 5:14

مَارْنِين-د اَطَّاس ن يِوْذَان إِي يُوْمْنن زِي سِيذِيثْنغ، زَّايْسن يجّن ن لْعَدَد ن يرْيَازن ؤُڒَا ذ ثمْغَارِين.

ڒخذايم 8:4

ڒْمُوْمِنِين نِّي يمسْفْرَاقن تْرَاحن زݣ ومْشَان غَار ومْشَان تْبشَّارن س وَاوَاڒ ن أَربِّـي.

أيث-روما 10:10

لِأَنَّا س وُوْڒ نّش شك تَامْنذ، أَش يسمْصْڒَاح أَربِّـي اَكِذس. أُو س وقمُّوْم نّش شك ثْشهّْذذ، شك ثْنجْمذ.

1 أيث-كورينث 11:11

إِنَّمَا، ذِي سِيذِيثْنغ ثَمْغَارْث تَعْتَامَاد خ ورْيَاز، أَرْيَاز يتَعْتَامَاد خ ثمْغَارْث.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.