ڒخذايم 7:38 - ثريفيث 2020

³⁸ ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.

ڒخذايم 7:38 ပူးပေါင်းရင်းမြစ်များ

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

ڒخذايم 7:30

ثُمَّا وَامِي عْذُوْن اَرْبعِين يسݣُّوُوْسَا، ثْبدّ-د غَارس يجّن ن لْمَلَائِكَا زݣ وحَذُوْق ن ثْمسِّي ثْرقّ ذݣ ؤُخْشَاب ذِي صَّحْرَا زَّاث إِ وذْرَار ن سِينَا.

ڒخذايم 7:35

مُوْسَى-يَا نْكَرن-ث نَّان-اَس: ؤُو ش يݣِّين شك ذ اَرَّايس نِغ ذ ڒْقَاضِي خَانغ؟ وَلَكِن نتَّا يسّكّ-يث أَربِّـي اَذ يِيڒِي ذ اَرَّايس ذ ونِّي إِي ثن غَا يسْنجْمن. ئِسّكّ-يث أَربِّـي خ وفُوْس ن لْمَلَائِكَا نِّي إِي ذَاس د يمظْهَارن ذݣ ؤُخْشَاب نِّي.

ڒخذايم 7:53

ثطّْفم شَّرِيعَا خ وفُوْس ن لْمَلَائِكَاث، كنِّيو وَار زَّايس ثݣَّيم شَا."

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

أيث-ݣلاطيا 3:19

إِيوَا، مَايمِّي ثدْجَا شَّرِيعَا ن مُوْسَى بَعْذَا؟ شَّرِيعَا ثمُّوْش نتَّاث بَاش اَذ يسّن بْنَاذم ڒْمُعْصِيَاث. تُوْغَا ثْصدْجَاح قْبڒ مَا ٱذ د يَاس وَايَّاو ن بْرَاهِيم إِي زِي ث يوْعذ أَربِّـي. شَّرِيعَا نِّي ؤُوِينْت-يت لْمَلَائِكَاث، ثُمَّا يجّن ن لْوَسِيط يعْنِي مُوْسَى يسِيْوض-يت-يد.

يعيبرانيين 2:2

شُوْف، شَّرِيعَا نِّي ن مُوْسَى تُوْغَا ؤُوِينْت-تِيد لْمَلَائِكَاث، تْسيْطَر خَانغ تْعَاقَاب-اَنغ يعْنِي مڒَا نعْصَا نِغ مڒَا وَار نْطِيع شَا.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

يعيبرانيين 5:12

شُوْف، وَا لَابُد كنِّيو ڒخُّو اَذ تِيڒِيم ذ يمْسڒْمَاذن وَلَكِن عَاذ يتْخصَّا-يَاوم يجّن اَكنِّيو يسْغَر س ثْغُوْرِي نِّي ثَمزْوَارُوْت زݣ وَاوَاڒ ن أَربِّـي. كنِّيو تحْذَاجَام اَغِي وَاهَا، مَاشِي لْمَكْلَا ذ صَّح.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.