ڒخذايم 6:9 - ثريفيث 2020

⁹ كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

ڒخذايم 6:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:17

حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:34

خ مَانَايَا خْزَرم! تْسكِّيغ-اَوم-د لْأَنْبِيَا ذ يمِيغِيسن ذ يمْسڒْمَاذن. ئِجّن زَّايْسن اَث ثنْغم، ئِجّن اَث ثْصلّْبم. ئِجّن زَّايْسن اَث ثُوْوْثم س وسْغُوْن ذِي ثمْزِيذَاوِين، ئِجّن اَخَاس ثَازّْڒم زِي ثنْدِينْت غَار ثنْدِينْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:32

فّْغن سّنِّي ڒْعَسْكَار ؤُفِين يجّن ن ورْيَاز قَّارن-اَس سِمْعَان زِي ثنْدِينْت ن لْقُرِينَا، ݣِّين خَاس س بزّز اَذ يَرْبُو صَّلِيب ن عِيْسَى.

مرقس 13:9

حْضَام يخف نْوم! أَكنِّيو سلّْمن إِ لْمَحْكَمَاث، أَكنِّيو ؤُوْثن ذِي ثمْزِيذَاوِين نْسن. أَذ تْبدّم زَّاث إِ لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم.

لوقا 21:12

قْبڒ إِ مَارَّا مَانَايَا اَكنِّيو طّْفن، أَكنِّيو عدّْبن، أَكنِّيو سلّْمن إِ ثمْزِيذَاوِين نْسن. أَكنِّيو حبْسن، أَكنِّيو جَرّن غَار يزدْجِيذن ذ لْحُكَّام عْلَاحْسَاب يسم ينُو.

ڒخذايم 11:20

وَلَكِن ڒبْعَاض ن يرْيَازن زِي قُبْرُص ذ لْقُرِينَا ؤُسِين-د غَار وَانْطَاكْيَا بْذَان سَّاوَاڒن اَك ييُوْنَانِيْين تْبشَّارن-ثن س سِيذِيثْنغ عِيْسَى.

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

ڒخذايم 13:45

أَيث-إِسْرَائِيل وَامِي ؤُفِين ڒْغَاشِي اَطَّاس بْذَان حسّْذن اَطَّاس اَرُّسُل بْذَان تْعَارَّاضن إِ وَاوَاڒ ن بُوْلُس، تُوْكَّرن-ث.

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 15:41

ئِرُوْح غَار سُوْرْيَا ذ لْإِقْلِيم ن كِيلِيكْيَا يتݣّ ؤُر ذي ثْجُمَاع ن ڒْمُوْمِنِين.

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 19:10

ئِقِّيم بُوْلُس يتݣّ مَانَاينِّي عَامَاين. مَارَّا يمزْذَاغ ن لْإِقْلِيم ن آسْيَا سْڒِين إِ وَاوَاڒ ن سِيذِي أَربِّـي، أَيث-إِسْرَائِيل ذ ييُوْنَانِيْين س ثْنَاين إِذْسن.

ڒخذايم 19:26

أَقَا تْوَاڒَام تسْڒَام بُوْلُس-أَ يسْقنّع اَطَّاس ن يِوْذَان ذِي ثنْدِينْت-أَ ن ؤُفَسُوْس عْڒَاين ؤُڒَا ذِي مَارَّا لْإِقْلِيم ن آسْيَا، ئِسُوْفُوْغ-يثن زݣ وبْرِيذ نّغ. ئِقَّار-اَنغ قَا لْأَصْنَام-أَ يتْوَاصنْعن س يفَاسّن قَا وَار دْجِين شَا ذ أَربِّـيثن.

ڒخذايم 21:27

وَامِي عْڒَاين اَذ كمّْڒن سبْعَا نِّي ن نْهُوْرَاث ن ڒُوْضُو، شَان يسْرَائِيلِيْين زِي لْإِقْلِيم ن آسْيَا ࢲْرِين بُوْلُس ذِي ثمْزِيذَا ثَمقّْرَانْت سَامَرن خَاس مَارَّا ڒْغَاشِي نِّي تمْزَاحَامن خَاس.

ڒخذايم 21:39

ينَّا-ٱس بُوْلُس: "لَّا، نش ذ اَئِسْرَائِيلِي، لْجِنْسِيَا ينُو زِي ثنْدِينْت مَعْرُوْفَا ن طَرْسُوْس ذِي لْإِقْلِيم ن كِيلِيكْيَا. تتَّارغ زَّايش اَذَايِي ثْسمْحذ اَذ سِّيوْڒغ اَك يِوْذَان-أَ."

ڒخذايم 22:19

نِّيغ-اَس: آ سِيذِي، نِثْنِي سّْنن بلِّي تُوْغَا تْرَاحغ زِي ثمْزِيذَا غَار ثمْزِيذَا تْحبَّاسغ شَّاثغ يِنِّي زَّايك يُوْمْنن.

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 23:34

وَامِي ت يغْرَا لْوَالِي ينَّا-ٱس إِ بُوْلُس مَان لْإِقْلِيم إِي غَار تْوَاحْسَابذ شك؟ وَامِي ذَاس ينَّا بُوْلُس نش زِي لْإِقْلِيم ن كِيلِيكْيَا ينَّا-ٱس لْوَالِي: "نش اَذ يڒِيغ خ لْجلْسَا نّش خْمِي د غَا اَوْضن يِنِّي إِي خَاك غَا ينِين تُّهْمَا." سّنِّي يُوْمَر اَخَاس عسّْسن ذِي ڒقْصَاڒ ن هِيرُوْدُوْس.

ڒخذايم 24:18

وَامِي ذَايِـي ؤُفِين ذِي ثمْزِيذَا ثَمقّْرَانْت تݣّغ ڒُوْضُو. وَار ؤُفِين اَكِذِي بُو ڒْغَاشِي، وَار تݣّغ بُو سّْدَع. وَلَكِن ذِنِّي شَان ن يسْرَائِيلِيْين زِي لْإِقْلِيم ن آسْيَا،

ڒخذايم 26:11

مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.

ڒخذايم 6:10

وَلَكِن وَار زمَّرن اَذ قَاوّْمن ڒفْهَامث ذ أَرُّوْح إِي زِي يسَّاوَاڒ.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

أيث-ݣلاطيا 1:21

منْبَعْذ رُوْحغ غَار سُوْرْيَا ذ لْإِقْلِيم ن كِلِيكْيَا.