ڒخذايم 6:1 - ثريفيث 2020

¹ ذݣ وُوْسَّان نِّي لْعَدَد ن يمحْضَارن يمَارْنِي. ڒْمُوْمِنِين إِي سَّاوَاڒن س لُّغَا ثَيُوْنَانِيث تْشثْشَان زݣ يِنِّي يسَّاوَاڒن لْعِبْرِيَا، قَّارن قَا نشِّين ثَاجَّاڒِين نّغ وَار ذَاسنْت تِيشّن بُو ڒْحَقّ نْسنْت خْمِي فرّْقن لْمُعْوَانَا مْكُڒ نْهَار.

ڒخذايم 6:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

ڒخذايم 11:20

وَلَكِن ڒبْعَاض ن يرْيَازن زِي قُبْرُص ذ لْقُرِينَا ؤُسِين-د غَار وَانْطَاكْيَا بْذَان سَّاوَاڒن اَك ييُوْنَانِيْين تْبشَّارن-ثن س سِيذِيثْنغ عِيْسَى.

ڒخذايم 11:26

وَامِي ث يُوْفَا يُوْوِي-ث-يذ اَكِذس غَار ثنْدِينْت-أَ ن وَانْطَاكْيَا. سعْذُوْن عَام يكْمَاڒ اَك جْمَاعث ن ڒْمُوْمِنِين، سڒْمَاذن اَطَّاس ن يِوْذَان. ذَانِيتَا ذِي وَانْطَاكْيَا-يَا إِي تْوَاسمَّان يمحْضَارن ثْوَاڒَا ثَمزْوَارُوْت س <ئِمَسِيْحِيْين.>

ڒخذايم 11:29

كَّرن يمحْضَارن تَافْقن جَارَاسن كُڒ يجّن زَّايْسن اَذ سّكّن شْوَايْت ن لْمُعَاوَنَا عْلَاحْسَاب ثِزمَّار نْسن غَار اَيثْمَاثْسن إِݣ يزدّْغن ذِي يَهُوْذِيَا.

ڒخذايم 2:41

سّنِّي يِنِّي يقبْڒن اَوَاڒ نّس رُوْحن تْوَاطهَّارن س وَامَان. نْهَار نِّي مَارْنِين شَان ثڒْتْاَڒَاف إِذْسن غَار ڒْمُوْمِنِين.

ڒخذايم 2:45

زْنُوْزَان اَݣْڒَا نْسن ذ ڒحْوَايج نْسن، فرّْقن خ مْكُڒ يجّن مِين يحْذَاج.

ڒخذايم 2:47

حمّْذن أَربِّـي، رطَّان خَاسن يِوْذَان مَارَّا. كُڒ نْهَار يَرنِّي-يَاسن سِيذِي أَربِّـي ذِي لْعَدَد ن يِنِّي ينجّْمن.

ڒخذايم 4:35

سْرُوْسَان-ثنت غَار يضَارن ن اَرُّسُل تْفرَّاقنْت-ثنْت عْلَاحْسَاب مْكُڒ يجّن مِين يحْذَاج.

ڒخذايم 4:4

أَطَّاس ن يِوْذَان إِي يسْڒِين إِ وَاوَاڒ نْسن ؤُمْنن. يرْيَازن نِّي إِي يُوْمْنن ڒخُّو ؤُوْضن غَار يِجّن خمْسَاڒَاف إِذْسن.

ڒخذايم 5:14

مَارْنِين-د اَطَّاس ن يِوْذَان إِي يُوْمْنن زِي سِيذِيثْنغ، زَّايْسن يجّن ن لْعَدَد ن يرْيَازن ؤُڒَا ذ ثمْغَارِين.

ڒخذايم 5:28

"نشِّين نُوْمَر-يكنِّيو وَار ثسڒْمَاذم شَا عْلَاحْسَاب يسم نِّي ن عِيْسَى. وَلَكِن كنِّيو ثْعمَّارم لْقُدْس س تَّعْلِيم نْوم. ثخْسم اَذ تݣّم ڒْموْث ن ورْيَاز-أَ خ يِيڒي نّغ."

ڒخذايم 6:2

كَّرن ثنْعَاش نِّي ن اَرُّسُل سْمُوْنن مَارَّا يمحْضَارن نَّان-اَسن: "نشِّين اَرُّسُل مَاشِي مَعْقُوْل أَ نسْمح ذݣ وَاوَاڒ ن أَربِّـي بَاش أَ نفرق لْمُعْوَانَا.

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

ڒخذايم 9:29

ئِسَّاوَاڒ اَك يسْرَائِيلِيْين يِنِّي يسَّاوَاڒن س لُّغَا ثَيُوْنَانِيث يتمْنَاقَار اَكِذْسن، سّنِّي نِثْنِي رزُّوْن اَث نْغن.

ڒخذايم 9:39

ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.

ڒخذايم 9:41

ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.

أيث-روما 12:7

ئِجّن مڒَا يتْسخَّار، أُو لَابُد اَذ يسخَّار. ئِجّن مڒَا يسڒْمَاذ، أُو لَابُد اَذ يسڒْمذ.

1 أيث-كورينث 10:10

ئِتْخصَّا وَار نتْشثْشَا شَا مَامّش ݣِّين ڒبْعَاض زَّايْسن وَامِي خَاسن يقْضَا عَزْڒَاين.

22 أيث-كورينث 11:22

مڒَا نِثْنِي ذ يعِيبْرَانِيْين، ؤُڒَا ذ نش ذ اَعِيبْرَانِي. مڒَا نِثْنِي زِي أَيث-إِسْرَائِيل، ؤُڒَا ذ نش ذ اَئِسْرَائِيلِي. مڒَا نِثْنِي ؤُسِين-د زِي ثَارْوَا ن بْرَاهِيم، ؤُڒَا ذ نش ؤُسِيغ-د زِي ثَارْوَا ن بْرَاهِيم.

أيث-فيليـپـي 3:5

مَايمِّي؟ نش تهَّارغ نْهَار وِيس ثْمنِيَّام. لْأَصل ينُو زِي أَيث-إِسْرَائِيل زِي أَيث-بنْيَامِين. نش ذ اَعِبْرَانِي مِّيس ن يعِبْرَانِيْين. عْلَاحْسَاب شَّرِيعَا، نش زِي ڒْحِزب نِّي ن يفَرِّيسِيْين.

1 تيموتاوس 5:3

وقَّر ثَاجَّاڒِين إِݣ يدْجَان ذ ثَاجَّاڒِين ذ صَّح.

1 تيموتاوس 5:9

وَار تجَّا ؤُڒَا ذ يشْتن اَذ تْسجّل اَك ثَاجَّاڒِين غَار لْمُعَاوَنَا إِلَّا مڒَا غَارس زِي ستِّين يسݣّْوُوْسَا اَڒ ثْسَاونْت، إِلَّا مڒَا تُوْغَا غَارس يجّن ن ورْيَاز وَاهَا.

يعيبرانيين 13:1

قِّيمث تْحِبَّاث اَيَاوْيَا اَم وَاوْمَاثن.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

ثبرات غار يعقوب 5:9

آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.