ڒخذايم 5:42 - ثريفيث 2020

⁴² قِّيمن مكُڒ نْهَار تْرَاحن غَار ثمْزِيذَا ثَمقّْرَانْت، تْرَاحن زِي ثدَّارْث اَڒ ثدَّارْث سڒْمَاذن تْبشَّارن س عِيْسَى بلِّي نتَّا ذ لْمَسِيح.

ڒخذايم 5:42 ပူးပေါင်းရင်းမြစ်များ

لوقا 21:37

كُڒ نْهَار عِيْسَى يتْرَاح يسڒْمَاذ ذِي ثمْزِيذَا ثَمقّْرَانْت. س دْجِيڒث يتْرَاح يسْنُوْسَا ذݣ وذْرَار ن زِّيتُوْن.

لوقا 22:53

تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

ڒخذايم 11:20

وَلَكِن ڒبْعَاض ن يرْيَازن زِي قُبْرُص ذ لْقُرِينَا ؤُسِين-د غَار وَانْطَاكْيَا بْذَان سَّاوَاڒن اَك ييُوْنَانِيْين تْبشَّارن-ثن س سِيذِيثْنغ عِيْسَى.

ڒخذايم 13:32

فَا نشِّين نتْبشَّار-يكنِّيو س مَانَايَا. يعْنِي أَربِّـي وَامِي د يسكَّر عِيْسَى زِي ڒْموْث صَافِي يكمّڒ مِين زِي تُوْغَا يوْعذ ڒجْذُوْذ نّغ، ئِكمّڒ-يث اَكِذْنغ نشِّين يدْجَان ذ ثَارْوَا نْسن. أَقَا يُوْرَا ذِي لْكِتَاب ن زَّابُوْر ذݣ يِزْڒِي وِيس ثْنَاين: أَقَا شك ذ مِّي، نْهَارَا نش ذوْڒغ ذ بَابَاش.

ڒخذايم 17:18

شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا.

ڒخذايم 17:3

ئِسفْهَام-يثن يسْبيَّان-اَسن دَّلِيل خ مَامّش أُو لَابُد لْمَسِيح اَذ يتْوَاعدّب اَذ د يكَّر زِي ڒْموْث. ينَّا-ٱسن قَا عِيْسَى-يَا إِي زِي كنِّيو تْبشَّارغ نتَّا س يِيخف نّس ذ لْمَسِيح.

ڒخذايم 2:46

تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن.

ڒخذايم 20:20

وَار زَّايْوم سْنُوْفَّرغ وَالُو، نش تْخبَّرغ-كنِّيو س مَارَّا مِين كنِّيو غَا ينفْعن. سڒْمَاذغ-اَوم-ث زَّاث إِ يِوْذَان أُو عَاوذ زِي ثدَّارْث غَار ثدَّارْث.

ڒخذايم 4:20

وَار نْزمَّر شَا أَ نجّ خ مِين نࢲْرَا نِغ خ مِين نسْڒَا."

ڒخذايم 4:29

آ سِيذي، ڒخُّو خْزَر مَامّش ذَانغ تْهدَّاذن، ؤُش-اَنغ إِ نشِّين لْعِبَاد نّش أَ نسِّيوڒ س وَاوَاڒ نّش س زْعَامث.

ڒخذايم 8:35

ئِتْشَرَّاح-اَس فِيلِيپَّـاس، ئِبْذَا-يَاس زِي لْأَيَاث-أَ ذِي لْكِتَاب يتْبشَّار-يث س عِيْسَى.

ڒخذايم 8:5

فِيلِيپَّـاس يرُوْح غَار ثنْدِينْت ن سَمَارْيَا، ئِتْحدَّاث إِ يمزْذَاغ نّس س لْمَسِيح.

ڒخذايم 9:20

ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.