ڒخذايم 5:34 - ثريفيث 2020

³⁴ ئِكَّر-د يجّن ن وفَرِّسِي، نتَّا ذ اَمسڒْمَاذ ن شَّرِيعَا قَّارن-اَس ݣَامْلِيل يتحْتَارَام-يث شَّعْب مَارَّا. ئِبدّ ذِي ڒْوسْط ن جْمَاعث ن لْحُكَّام ن أَيث-إِسْرَائِيل، ئِتَّار-اَسن اَذ سُوْفْغن اَرُّسُل شْوَايْت ن ڒْوقْث غَار بَارَّا.

ڒخذايم 5:34 ပူးပေါင်းရင်းမြစ်များ

لوقا 2:46

كِّين ثڒْتِيَّام أُوْشَا ؤُفِين-ث يقِّيم ذِي ثمْزِيذَا ثَمقّْرَانْت جَار يِنِّي يسڒْمَاذن، ئِتْسْڒَا-يَاسن يتْسقْسَا-ثن.

لوقا 5:17

ئِجّن ن نْهَار تُوْغَا عِيْسَى يسڒْمَاذ يوْذَان. قِّيمن ذِنِّي جَارَاسن ڒبْعَاض زِي ڒْحِزب ن يفَرِّسِيْين ذ يمْسڒْمَاذن ن شَّرِيعَا، ؤُسِين-د زِي مَارَّا ڒدْشُوْرَاث ن لْجَلِيل ذ يَهُوْذِيَا ذ لْقُدْس. جّْهذ ن سِيذِي أَربِّـي اَقَاث اَك عِيْسَى بَاش اَذ يسْݣنْفَا يمهْڒَاش.

يوحنا 3:10

يَارَّا خَاس عِيْسَى ينَّا-ٱس: "إِيوَا ثْسڒْمَاذذ شك أَيث-إِسْرَائِيل وَار ثْفهِّيمذ شَا مَانَايَا؟

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 4:15

لْحُكَّام نِّي ؤُمَرن بُطْرُس ذ يُوْحَنَّا اَذ فّْغن بَارَّا اَذ جّن جْمَاعث نِّي ن لْحُكَّام اَذ مْشَاوَارن وَاحذْسن.

ڒخذايم 5:21

ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس.

ڒخذايم 5:27

وَامِي د سِيذْفن اَرُّسُل، سْبدّن-ثن زَّاث إِ جْمَاعث ن لْحُكَّام ن أَيث-إِسْرَائِيل. ينَّا-ٱسن اَرَّايس ن ڒْفُقَهَا:

ڒخذايم 5:35

ينَّا-ٱسن: "آي يرْيَازن ن أَيث-إِسْرَائِيل، حْضَام يخف نْوم زِي مِين ثخْسم اَذ تݣّم إِ يِوْذَان-أَ!