ڒخذايم 5:3 - ثريفيث 2020

³ ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

ڒخذايم 5:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:19

ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ.

لوقا 22:3

يُوْذف شِّيطَان ذݣ وُوْڒ ن يَهُوْذَا ونِّي ؤُمِي قَّارن إِسْخَرْيُوطِي، نتَّا زِي ثنْعَاش نِّي ن اَرُّسُل.

يوحنا 13:2

قْبڒ اَمنْسِي تُوْغَا إِبْڒِيس يغَرّ يَهُوْذَا مِّيس ن سِمْعَان إِسْخَرْيُوْطِي حمَا اَذ يزّنْز عِيْسَى.

يوحنا 13:27

وَامِي يطّف اَرقُّوْز نِّي ن وغْرُوْم يَهُوْذَا ڒخْدّنِّي يُوْذف-يث شِّيطَان. ينَّا-ٱس عِيْسَى: "ذغْيَا، ٱݣّ مين غَا ثݣّذ."

ڒخذايم 5:2

يُوْوِي-د تْمنْيَاث، شَا يسْنُوْفَّر-يثنْت غَارس، شَا يُوْوِي-ثنْت يسرْس-يثنت غَار يضَارن ن اَرُّسُل. ثَمْغَارث نّس ثَرْݣب قَاع خ مَانَاينِّي.

ڒخذايم 5:4

ثَمُوْرث نِّي تُوْغَا ثدْجَا نّش مَارَّا قْبڒ إِي ت غَا ثزّنْزذ؟ وَامِي ثْزّنْزذ ثَمُوْرْث نِّي، تْمنْيَاث نِّي مَارَّا دْجَانْت نّش كُلْشِي." ينَّا-ٱس: "مَايمِّي ثنْوِيذ ذݣ وُوْڒ نّش مَانَايَا؟ قَا وَار يدْجِي ثسْخرّْقذ خ يِوْذَان، قَا ثسخرّْقذ خ أَربِّـي."

ڒخذايم 5:9

ينَّا-ٱس بُطْرُس: "مَايمِّي ثْتَافْقم اَذ تْزَعْمم اَذ تࢲرم اَرُّوْح ن سِيذِي أَربِّـي مِين غَا يݣّ؟" ينَّا-ٱس: "يِنِّي ينضْڒن اَرْيَاز نّمْ ذوْڒن-د اَقَاثن غَار ثوَّارْث، أَشم يْسِين ؤُڒَا ذ شم."

ثبرات غار يعقوب 4:7

س مَانَايَا طَاعث إِ أَربِّـي. عَرّْضث إِ إِبْڒِيس، أَزَّايْوم يَرْوڒ.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.