ڒخذايم 5:24 - ثريفيث 2020

²⁴ وَامِي سْڒِين إِ وَاوَاڒ-أَ اَرُّوْيَاس ن ڒْفُقَهَا ذ ومقّْرَان ن يعسَّاسن ن ثمْزِيذَا ثَمقّْرَانْت يسْمض-اَسن ڒَعْجب ذݣ وُوْڒ فكَّرن مَانِي غَا يَاوض مَانَايَا؟

ڒخذايم 5:24 ပူးပေါင်းရင်းမြစ်များ

لوقا 22:4

ئِكَّر يرُوْح اَذ يتَافق اَك اَرُّوْيَاس ن ڒْفُقَهَا ذ يمقّْرَانن ن يعسَّاسن ن ثمْزِيذَا ثَمقّْرَانْت ن أَيث-إِسْرَائِيل خ مَامْش غَا يݣّ اَذَاسن يزّنْز عِيْسَى.

لوقا 22:52

ينَّا-ٱسن عِيْسَى إِ اَرُّوْيَاس ن ڒْفُقَهَا ذ يمقّْرَانن ن يعسَّاسن ن ثمْزِيذَا ثَمقّْرَانْت ذ يمقّْرَانن ن أَيث-إِسْرَائِيل إِي غَارس د يُوْسِين: "مَا تْغِير-اَوم قَا نش ذ لْمُجْرِم وَامِي د ثيْسِيم ڒسْيُوْف ذ يدبُّوْزن حمَا اَذَايِي ثطّْفم نِغ؟

يوحنا 12:19

نَّان يفَرِّيسيْين جَارَاسن: "أَقَا تْوَاڒَام وَار ثُوْوِّيضم غَار وَالُو! دُّنشْت مَارَّا ثْذفَّار-يث."

ڒخذايم 2:12

ذهْشن شّكّن، بْذَان سَّاوَاڒن جَارَاسن نَّان: "مِين يخس اَذ يِينِي مَانَايَا؟"

ڒخذايم 4:1

ؤُسِين-د ڒْحِزب ن يصَدُّوْقِيْين ذ ڒْفُقَهَا ذ ؤُمقّْرَان ن يعسَّاسن ن ثمْزِيذَا ثَمقّْرَانْت ن أَيث-إِسْرَائِيل، ؤُفِين بُطْرُس ذ يُوْحَنَّا سَّاوَاڒن اَك يِوْذَان.

ڒخذايم 4:21

اَرْنِين سِيݣّْوْذن-ثن، ڒخْدّنِّي ضڒْقن-اَسن. وَار ؤُفِين مَامّش ذَاسن غَا ݣّن اَثن عَاقْبن مِينْزِي مَارَّا يوْذَان حمّْذن أَربِّـي خ مِين يوقْعن.

ڒخذايم 5:23

نَّان-اَسن: "نُوْفَا ثِوُّوْرَا ن ڒحْبس بلّْعنْت مْلِيح، ذ يعسَّاسن ن ڒحْبس بدّن زَّاث إِ ثوُّوْرَا نِّي. نشِّين وَامِي نُوْذف غَار ذَاخڒ وَار ذِنِّي نُوْفِي حَدّ."

ڒخذايم 5:25

يُوْسَا-د غَارْسن يجّن ينَّا-ٱسن: "يرْيَازن نِّي إِي ثݣِّيم ذِي ڒحْبس اَقَاثن ذِي ثمْزِيذَا ثَمقّْرَانْت سڒْمَاذن يوْذَان!"

ڒخذايم 5:26

ڒخْدّنِّي يرُوْح ومقّْرَان نِّي ن يعسَّاسن اَك يمْخَازْنِيْين نّس ؤُوِين-د اَرُّسُل بڒَا لْعُنْف مِينْزِي ݣّْوْذن زِي شَّعب اَثن رجْمن س وزْرُو.