ڒخذايم 5:21 - ثريفيث 2020

²¹ ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس.

ڒخذايم 5:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

يوحنا 18:35

ينَّا-ٱس بِيلَاطُوْس: "مَا نش ذ اَئِسْرَائِيلِي؟ لْأُمَّا نّش ذ اَرُّوْيَاس ن ڒْفُقَهَا إِي ش د يُوْوِين غَارِي، مِين ثݣِّيذ؟"

يوحنا 8:2

أَك صْبَاح زِيش يذْوڒ-د عَاوذ غَار ثمْزِيذَا ثَمقّْرَانْت ن أَيث-إِسْرَائِيل. ؤُسِين-د غَارس ڒْغَاشِي مَارَّا، ئِقِّيم يسڒْمَاذ-يثن.

ڒخذايم 22:15

شك اَخَاس ثِيڒِيذ ذ شَّاهذ غَار مَارَّا يوْذَان عْلَاحْسَاب مِين ثࢲْرِيذ ذ مِين ثسْڒِيذ.

ڒخذايم 22:5

أَرَّايس ن ڒْفُقَهَا ذ مَارَّا جْمَاعث ن يمقّْرَانن ن أَيث-إِسْرَائِيل نِثْنِي ذ ڒشْهُوْذ خ مَانَاينِّي. ؤُشِين-اَيِي اَرُّخْصَاث اَثنْت سِّيوْضغ غَار اَيثْمَاثْسن ذِي ثنْدِينْت ن دِمَشق. رُوْحغ ذِنِّي اَذ طّْفغ يوْذَان ن وبْرِيذ-أَ اَثن د اَوِيغ غَار لْقُدْس بَاش اَذ تْوَاعَاقْبن.

ڒخذايم 5:17

ئِكَّر اَرَّايس ن ڒْفُقَهَا ذ مَارَّا يِنِّي كِس يدْجَان نِثْنِي زِي ڒْحِزب ن يصَدُّوْقِيْين، حسْذن اَرُّسُل اَطَّاس.

ڒخذايم 5:27

وَامِي د سِيذْفن اَرُّسُل، سْبدّن-ثن زَّاث إِ جْمَاعث ن لْحُكَّام ن أَيث-إِسْرَائِيل. ينَّا-ٱسن اَرَّايس ن ڒْفُقَهَا:

ڒخذايم 5:34

ئِكَّر-د يجّن ن وفَرِّسِي، نتَّا ذ اَمسڒْمَاذ ن شَّرِيعَا قَّارن-اَس ݣَامْلِيل يتحْتَارَام-يث شَّعْب مَارَّا. ئِبدّ ذِي ڒْوسْط ن جْمَاعث ن لْحُكَّام ن أَيث-إِسْرَائِيل، ئِتَّار-اَسن اَذ سُوْفْغن اَرُّسُل شْوَايْت ن ڒْوقْث غَار بَارَّا.

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.