ڒخذايم 5:16 - ثريفيث 2020

¹⁶ تَاسن-د اَطَّاس ن يِوْذَان زِي ڒدْشُوْرَاث إِي يُوْذْسن غَار لْقُدْس، تَاوِين-د يمهْرَاش نْسن ذ يِنِّي يتْعدَّابن جْنُوْن يعفَّانن نِثْنِي تْݣنْفَان مَارَّا.

ڒخذايم 5:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 2:16

وَامِي د يَارَّا ڒخْبَار هِيرُوْدُس بلِّي يِنِّي يقَّارن لْعِلم ن يِثْرَان شمْثن-ث، يعصّب اَطَّاس يغْضب. ئِسّكّ بَاش اَذ ينغ يحنْجِيرن نِّي مَارَّا ذِي بَيْت لَحْم ذ نَّوَاحِي نّس إِي غَار ثدْجَا قلّ زِي عَمَاين. مَانَايَا عْلَاحْسَاب ڒْوقْث إِي ذَاسن د يمظْهَار يِيثْرِي نِّي إِ يِنِّي يقَّارن لْعِلم ن يِثْرَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:16

وَامِي ثغْڒِي ثْفُوْشْت غَار ثْمدِّيث، ؤُوِين-د غَار عِيْسَى اَطَّاس ن يِنِّي ذِي دْجَان جْنُوْن. س لْأَمَر نّس يسُوْفُوْغ زَّايْسن جْنُوْن يسْݣنْفَا مَارَّا يِنِّي يهڒْشن.

لوقا 5:17

ئِجّن ن نْهَار تُوْغَا عِيْسَى يسڒْمَاذ يوْذَان. قِّيمن ذِنِّي جَارَاسن ڒبْعَاض زِي ڒْحِزب ن يفَرِّسِيْين ذ يمْسڒْمَاذن ن شَّرِيعَا، ؤُسِين-د زِي مَارَّا ڒدْشُوْرَاث ن لْجَلِيل ذ يَهُوْذِيَا ذ لْقُدْس. جّْهذ ن سِيذِي أَربِّـي اَقَاث اَك عِيْسَى بَاش اَذ يسْݣنْفَا يمهْڒَاش.

لوقا 6:18

ؤُسِين-د غَارس حمَا اَذ سْڒَان إِ وَاوَاڒ نّس، عَاوذ حمَا اَثن يسْݣنْفَا زِي ڒهْڒَاشَاث نْسن. يِنِّي يتْعدَّابن س جْنُوْن ذ يعفَّانن ؤُڒَا ذ نِثْنِي تْݣنْفَان.

لوقا 9:11

وَامِي ڒْغَاشِي سّْنن مَانَايَا ذْفَارن-ث. نتَّا يسْتقْبڒ-يثن يبْذَا يسَّاوَاڒ اَكِذْسن خ ڒْمُلْك ن أَربِّـي يسْݣنْفَا يِنِّي يخْسن اَذ ݣنْفَان.

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

ڒخذايم 4:30

سَرّح فُوْس نّش بَاش اَذ تسْݣنْفِيذ اَذ تسْبيّْنذ لْمُعْجِزَاث ذ لْبُرْهَانَاث عْلَاحْسَاب يسم ن عِيْسَى اَخدَّام نّش يقدّْسن."

ڒخذايم 5:15

ئِوْذَان سُوْفُوْغن-د يمهْڒَاش نْسن غار زْنَاقِي، سْرُوْسَان-ثن خ ثَاسُّوْث ذ يجَرْثِيڒن حمَا اَخْمِي سّنِّي د غَا يعْذُو بُطْرُس، يمْكن اَذ يڒْقف ڒبْعَاض زَّايْسن س ثِيڒِي نّس.

ڒخذايم 5:17

ئِكَّر اَرَّايس ن ڒْفُقَهَا ذ مَارَّا يِنِّي كِس يدْجَان نِثْنِي زِي ڒْحِزب ن يصَدُّوْقِيْين، حسْذن اَرُّسُل اَطَّاس.

1 أيث-كورينث 12:9

ئِجّن يمُّوْش-اَس لْإِيمَان يجْهذ س وفُوْس ن أَرُّوْح-أَ وَانِيتَا. ئِجّن مُّوْشنْت-اَس شَان لْقُدْرَاث بَاش اَذ يسْݣنْفَا س وفُوْس ن أَرُّوْح-أَ وَانِيتَا.

ثبرات غار يعقوب 5:16

عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.