ڒخذايم 3:12 - ثريفيث 2020

¹² وَامِي ثن يࢲْرَا بُطْرُس ينَّا-ٱسن: "آي يرْيَازن ن أَيث-إِسْرَائِيل، مَايمِّي ثتْعجّْبم خ مَانَايَا؟ مَايمِّي ذَايْنغ تْخزَّرم اَمُّو؟ مَا تْفكَّرم س جّْهذ نّغ نِغ س طَّاعَا نّغ إِي زِي نَارَّا اَرْيَاز-أَ يݣُّوْر؟

ڒخذايم 3:12 ပူးပေါင်းရင်းမြစ်များ

يوحنا 7:18

ونِّي يسَّاوَاڒن زِي غَارس يرزُّو لْعَظَمَا إِ يِيخف نّس. ونِّي يرزُّون لْعَظَمَا ن ونِّي إِي ثِيذ يسّكّن، قَا نتَّا ذَايس لْحَقِيقَا وَار ذَايس بُو ڒْغشّ.

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 2:22

آي يرْيَازن ن أَيث-إِسْرَائِيل، صنّْطث إِ مِين ذَاوم غَا ينِيغ. عِيْسَى-يَا زِي نَاصِرَا مِين يعْنَا نتَّا؟ نتَّا ذ يجّن ن ورْيَاز يتْوَاظْهَار-د زِي أَربِّـي إِ كنِّيو س لْمُعْجِيزَاث ذ لْبُرْهَانَاث ذ لْعَلَامَاث إِݣ يݣَّا أَربِّـي خ وفُوْس ن عِيْسَى جَارَاوم مَامّش ثسّْنم.

ڒخذايم 3:11

أَرْيَاز نِّي يݣنْفَان يطّف ذِي بُطْرُس ذ يُوْحَنَّا. مَارَّا يوْذَان نِّي قِّيمن ذهّْشن، رُوْحن غَارْسن تَازّْڒن غَار ومْشَان ؤُمِي قَّارن <أَسْقِيف ن سُلِيمَان.>

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

أيث-روما 11:1

إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين.

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

22 أيث-كورينث 3:5

يعْنِي مَارَّا مَانَايَا وَار ذَاس نْزمَّر شَا نشِّين س يِيخف نّغ. وَار نتْحسِّيب شَا بلِّي ثِزمَّار-أَ تَاسنْت-يد زَّايْنغ؛ لَّا، تَاسنْت-يد زِي أَربِّـي.

لواحي ن يوحنا 7:13

ينَّا-ٱيِي يِجّن زݣ يمْغَارن-أَ: "مَا ثسّْنذ يِوْذَان-أَ إِي ݣِّين تْشَامِّير ذ اَشمْڒَاڒ مِين عْنَان ذ مَانِس د ؤُسِين؟"