ڒخذايم 3:1 - ثريفيث 2020

¹ ئِجّن ن نْهَار غَار ثْڒَاثَا وعشِّي ذي ڒْوقْث ن ثْࢲَادْجِيث، بُطْرُس ذ يُوْحَنَّا ݣَعّْذن غَار ثمْزِيذَا ثَمقّْرَانْت ن أَيث-إِسْرَائِيل.

ڒخذايم 3:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:1

ثعْذُو ستّييَّام، عِيْسَى يُوْوِي اَكِذس بُطْرُس ذ يَعْقُوْب ذ وُوْمَاس يُوْحَنَّا، يُوْوِي-ثن وَاحذْسن غَار يِجّن ن وذْرَار يُوْعْڒَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:37

يُوْوِي اَكِس بُطْرُس ذ ثْنَاين ن ثَارْوَا ن زَبَادِي، ئِبْذَا يتْنخْڒَاع يتْخيَّاق.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:45

غَار ثنْعَاش ن ؤُزِيڒ ثهْوَا-د ثَادْجسْت خ ثْمُوْرْث اَمن-ثكْمَاڒ اَڒ وَامِي عْڒَاين ذ ثْڒَاثَا وعشِّي.

لوقا 1:10

وَامِي يتْشعَّاڒ تْبَخُوْر، مَارَّا شَّعْب نِّي إِي ذِنِّي يمُوْنن قِّيمن غَار بَارَّا إِ ثمْزِيذَا تْࢲَدْجَان.

لوقا 18:10

"ئِجّن ن نْهَار رُوْحن يجّن ن ثْنَاين ن يرْيَازن غَار ثمْزِيذَا ثَمقّْرَانْت ن أَيث-إِسْرَائِيل حمَا اَذ ࢲَّادْجن، ئِجّن زِي ڒْحِزب ن يفَرِّيسِيْين، ئِجّن يجمّع ضَّرِيبَا.

لوقا 22:8

ئِرُوْح عِيْسَى يسّكّ بُطْرُس ذ يُوْحَنَّا ينَّا-ٱسن: "رُوْحم سْوجْذم-اَنغ اَمنْسِي ن ڒْعِيذ اَمقّْرَان حمَا اَث نشّ."

لوقا 24:53

سّنِّي قِّيمن ذِي ثمْزِيذَا ثَمقّْرَانْت حمّْذن أَريِّي.

يوحنا 21:7

أَمحْضَار نِّي يعِيزّن خ عِيْسَى اَطَّاس ينَّا-ٱس إِ بُطْرُس قَا وِين ذ سِيذِيثْنغ. وَامِي يسْڒَا سِمْعَان بُطْرُس قَا وِين ذ عِيْسَى، ئِكَّر يَرض تْشَامِّير نّس ڒَاحقَّاش تُوْغَا يكّس-يث، ڒخْدّنِّي ينْضو ذِي ڒبْحَر بَاش اَذ يرَاح غَار عِيْسَى.

ڒخذايم 10:3

ئِجّن ن نْهَار غَار ثْڒَاثَا وعشِّي، يࢲْرَا نِيشَان ذِي لْوَحِي يجّن ن لْمَلَاك ن أَربِّـي يتَاذف-د خَاس يتْڒَاغَا-يَاس-د: "آ كُوْرْنِينْيُوْس."

ڒخذايم 10:30

ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.

ڒخذايم 2:46

تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن.

ڒخذايم 3:3

وَامِي يࢲْرَا ونشْرُوْف نِّي بُطْرُس ذ يُوْحَنَّا تَاذْفن غَار ثمْزِيذَا ثَمقّْرَانْت، ئِبْذَا يتتَّار-اَسن صَّذَقَا.

ڒخذايم 3:4

بُطْرُس ذ يُوْحَنَّا خزَّرن ذَايس مْلِيح، ينَّا-ٱس بُطْرُس: "خْزَر-د غَارْنغ!"

ڒخذايم 4:13

خْزَرن لْحُكَّام نِّي ذِي زْعَامث ن بُطْرُس ذ يُوْحَنَّا ؤُفِين-ثن وَار غْرِين شَا نِثْنِي ذ يوْذَان عَادِي. قِّيمن تْعجّْبن، عقْڒن-ثن تُوْغَاثن اَك عِيْسَى.

ڒخذايم 5:25

يُوْسَا-د غَارْسن يجّن ينَّا-ٱسن: "يرْيَازن نِّي إِي ثݣِّيم ذِي ڒحْبس اَقَاثن ذِي ثمْزِيذَا ثَمقّْرَانْت سڒْمَاذن يوْذَان!"

ڒخذايم 8:14

وَامِي د اَرِّين ڒخْبَر اَرُّسُل ذِي لْقُدْس قَا اَيث-سَامَرْيَا قبْڒن اَوَاڒ ن أَربِّـي، كَّرن سّكّن غَارْسن بُطْرُس ذ يُوْحَنَّا.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.