ڒخذايم 27:42 - ثريفيث 2020

⁴² ڒْعَسْكَار نْوَان اَذ نْغن يمحْبَاس بَاش وَار زَّايْسن يتْعُوْمِّي حَدّ اَذ يَرْوڒ.

ڒخذايم 27:42 ပူးပေါင်းရင်းမြစ်များ

ڒخذايم 12:19

هِيرُدُوْس يسّكّ اَخَاس رْزُوْن، وَار ث يُوْفِي شَا. وَامِي ذَاسن يݣَّا لْإِسْتِجْوَاب إِ يعسَّاسن نِّي، يُوْمَر اَثن نْغن. سّنِّي يفّغ وزدْجِيذ هِيرُدُوْس زِي ثْمُوْرْث ن يَهُوْذِيَا يرُوْح غَار ثنْدِينْت ن قَيْصَارِيَا يقِّيم ذِنِّي.

ڒخذايم 27:24

ثنَّا-ٱيِي لْمَلَائِكَا نِّي: آ بُوْلُس وَار تݣّْوْذ شَا! وَا لَابُد اَذ تْبدّذ غَار لْمَلِك قَيْصَر. خْزَر عَاوذ، يِنِّي إِي كِذش يتْسَفَارن مَارَّا يسنْجم-يثن أَربِّـي اَكِذش."

ڒخذايم 27:41

وَلَكِن اَغَرَّابُو يكَّا ذݣ يِجّن ن ويدِّيم ن يِجْذِي ذِي ڒْوسْط ن وَامَان ينُّوْغ ذَايس ذِنِّي. پْـرُوْبَا نّس ثنُّوْغ مْلِيح وَار تنْهزِّي شَا. پُـوْپَّـا نّس ثبْذَا تْرزَّا شَّاثن-ت ڒمْوَاج.

22 أيث-كورينث 11:26

نش مشْحَاڒ ن ثْوَاڒَاثِين تِيڒِيغ تْسَفَرغ ذِي لْخَطَر ن يغزْرَان، ذ لْخَطَر ن يشفَّارن، ذ لْخَطَر ن ڒْقُم ينُو، ذ لْخَطَر ن ييُوْنَانِيْين، ذ لْخَطَر ذِي ثنْدِينْت، ذ لْخَطَر ذِي ڒخْڒَا، ذ لْخَطَر ذِي ڒبْحَر، ذ لْخَطَر ن يِنِّي يتَارَّان يخف نْسن ذ اَيثْمَا.