ڒخذايم 27:30 - ثريفيث 2020

³⁰ ئِخدَّامن ن وغَرَّابُو وَامِي رزُّوْن اَذ اَروْڒن زَّايس، سهْوَان ثَغَرَّابُوْت ن لْإِغَاثَا غَار وَامَان سْنعْمِيڒن اَخْمِي خْسن اَذ نْضَرن يڒِيزَام زِي پْـرُوْبَا وغَرَّابُو.

ڒخذايم 27:30 ပူးပေါင်းရင်းမြစ်များ

ڒخذايم 27:16

نْنُوْفَّر زِي اَرِّيح وَامِي نعْذُو سْوَادَّاي ن يِجّن ن ثيْزِيرْث ذ ثَمزْيَانْت قَّارن-اَس كَوْدَا. ئِزيَّار خَانغ اَطَّاس ڒْحَاڒ وَلَكِن نْركّن ثَغَرَّابُوْت ن لْإِغَاثَا،

ڒخذايم 27:27

ذِي دْجِيڒث نِّي وِيس اَربعْطَاشَر يُوْم نشِّين عَاذ نُوْݣُّوْر نْودَّر ذِي ڒبْحَر ن وَادْرِيَاتِيكِي، غَار ؤُزْين ن دْجِيڒث تْغِيڒ-اَسن إِ يخدَّامن ن وغَرَّابُو قَا تْقرَّابن غَار ڒْبَرّ.

ڒخذايم 27:29

ݣّْوْذن اَغَرَّابُو اَذ يڒْقف يزْرَا، نْضَرن زِي پُـوْپَّـا ن وغَرَّابُو اَربْعَا ن يڒِيزَام قِّيمن تْࢲَادْجَان بَاش اَذ يصْبح ڒْحَاڒ.

ڒخذايم 27:31

ينَّا-ٱس بُوْلُس إِ وعَسْكَارِي نِّي اَمقّْرَان ذ ڒْعَسْكَار نِّي اَكِذس: "مڒَا وَار قِّيمن شَا يخدَّامن-أَ ذݣ وغَرَّابُو، وَار ثْزمَّرم شَا اَذ تْنجْمم."

ڒخذايم 27:32

ڒخْدّنِّي ڒْعَسْكَار قسّن يسغْوَان ن ثْغَرَّابُوْت ن لْإِغَاثَا جِّين-تث اَخَاسن ثْبعّذ.