ڒخذايم 27:24 - ثريفيث 2020

²⁴ ثنَّا-ٱيِي لْمَلَائِكَا نِّي: آ بُوْلُس وَار تݣّْوْذ شَا! وَا لَابُد اَذ تْبدّذ غَار لْمَلِك قَيْصَر. خْزَر عَاوذ، يِنِّي إِي كِذش يتْسَفَارن مَارَّا يسنْجم-يثن أَربِّـي اَكِذش."

ڒخذايم 27:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:18

أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:28

وَار تݣّوْذث شَا زݣ يِنِّي ينقّن دَّات وَار زمَّرن اَذ نْغن ؤُڒَا ذ ڒَعْمَر؛ لَّا، ݣّْوْذث زِي أَربِّـي يعْنِي ونِّي يزمَّرن اَذ يدمَّر دَّات ذ ڒَعْمَر ذِي جَهنَّمَا.

يوحنا 11:9

ينَّا-ٱسن عِيْسَى: "ذِنِّي ثنْعَاش ن سْوَايَع ن ثْفَاوْث ذِي نْهَار. ونِّي يݣُّوْرن ذِي نْهَار وَار يتْنقْرِيض شَا مِينْزِي يتْوَاڒَا ثْفَاوْث ن دُّنشْت-أَ.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 23:11

دْجِيرث نِّي يبدّ-د سِيذِيثْنغ غَار بُوْلُس ينَّا-ٱس: "اݣّ زْعَامث! مَامّش إِي زَّايِي ثْشهْذذ ذِي ثنْدِينْت ن لْقُدْس، أُو لَابُد عَاوذ اَزَّايِي ثْشهْذذ ذِي ثنْدِينْت ن رُوْمَا."

ڒخذايم 25:11

مڒَا خْضِيغ يعْنِي ݣِّيغ شَان ڒْحَاجث سْذَاهدْجغ خَاس ڒْموْث وَار زمَّرغ اَزَّايس اَروْڒغ. وَلَكِن مڒَا تُّهْمَاث-أَ إِي خَافِي قدّْمن وَار دْجِينْت شَا ذ صَّح، ؤُڒَا ذ يجّن مَا غَارس ڒْحَقّ اَذَايي يسلّم إِ نِثْنِي. نش تسْتَانَافغ دَّعْوث ينُو غَار لْمَلِك قَيْصَر."

ڒخذايم 27:31

ينَّا-ٱس بُوْلُس إِ وعَسْكَارِي نِّي اَمقّْرَان ذ ڒْعَسْكَار نِّي اَكِذس: "مڒَا وَار قِّيمن شَا يخدَّامن-أَ ذݣ وغَرَّابُو، وَار ثْزمَّرم شَا اَذ تْنجْمم."

ڒخذايم 27:37

نشِّين لْعَدَد نّغ ذݣ وغَرَّابُو مِيّتَاين أُو ستَّا أَو سبْعِين ن يِوْذَان.

ڒخذايم 27:42

ڒْعَسْكَار نْوَان اَذ نْغن يمحْبَاس بَاش وَار زَّايْسن يتْعُوْمِّي حَدّ اَذ يَرْوڒ.

ڒخذايم 27:44

ئِنّغْنِي اَثن ذْفَارن خ ثْفڒْوِين نِغ خ ثڒْوِيحِين وغَرَّابُو. أَمنِّي إِي ݣِّين بَاش اَذ فّْغن مَارَّا إِذْسن غَار ڒْبَرّ اَذ نجْمن.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

ثبرات غار فليمون 1:22

أُو عَاوذ سوْجذ-اَيِي يجّن ن ثْغُوْرْفَات، تْمنِّيغ اَغَارْوم د عقْبغ عْلَاحْسَاب ثْࢲَادْجِيث نْوم.

ثبرات غار يعقوب 5:16

عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.