ڒخذايم 27:21 - ثريفيث 2020

²¹ وَامِي كِّين اَطَّاس ن ڒْوقْث وَار شِّين شَا اَغْرُوْم، ئِكَّر بُوْلُس ينَّا-ٱسن: "آي يرْيَازن، مَعْلِيك ذَايِي ثݣِّيم اَرَّاي وَار ثفِّيغم شَا زِي ثيْزِيرْث ن كْرِيت، أَتَاف قَا وَار خَاوم ثكِّي شَا تَمَارَا-يَا نِغ ذ ثْخسَّارْث-أَ.

ڒخذايم 27:21 ပူးပေါင်းရင်းမြစ်များ

ڒخذايم 27:12

لِأَنَّا ڒْمَرْسَا نِّي ذ ثَعفَّانْت بَاش اَذَايس سعْذُوْن ڒْمشْتَا ذِنِّي. خ مَانَايَا اَزْين اَمقّْرَان ݣِّين اَذ ؤُيُوْرن سّنِّي ذݣ وغَرَّابُو، تْمنَّان اَذ اَوْضن غَار وبِيلَاج ن فِيْنِيْكس اَذَايس سعْذُوْن ڒْمشْتَا. نتَّاث ذ يجّن ن ڒْمَرْسَا ذِي ثيْزِيرْث ن كْرِيت تظْهُوْر غَار لْجَانُوْب ذ شَّمَال ذِي جِّهث ن لْغَرْبِي.

ڒخذايم 27:13

وَامِي د يصُوْض يجّن ن اَرِّيح يفْسُوْس زِي لْجَنُوْب، ئِتْغِيڒ-اَسن ؤُفِين مِين رزُّوْن. سْݣَعّْذن-د اَڒِيزِيم ن وغَرَّابُو رُوْحن ذِي ڒبْحَر طَّارف إِ ڒْبَرّ ن ثيْزِيرْث نِّي ن كْرِيت.

ڒخذايم 27:20

ثقِّيم اَمنِّي لْعَاصِفَا نِّي، أَطَّاس ن وُوْسَّان وَار نࢲْرِي ثْفُوْشْت ؤُڒَا ذ يِيثْرَان. نشِّين ذݣ ونݣَّارُو نفْقذ لْأَمَل بلِّي أَ ننْجم.

ڒخذايم 27:7

أَطَّاس ن وُوْسَّان نشِّين يݣُّوْر زَّايْنغ وغَرَّابُو وَلَكِن يُوْيُوْر غِير شْوَايْت ن وبْرِيذ وَاهَا، منْبَعْد نعْذُو طَّارْف إِ ثنْدِينْت ن كَنِيْدُوْس. وَامِي اَرِّيح وَار ذَانغ يجِّي شَا أَ نْكمّڒ خ وبْرِيذ نِّي، نعْذُو سْوَادَّاي ن ثيْزِيرْث ن كْرِيت جِّهث ن قَابُو ن سَالْمُوْن.