ڒخذايم 27:2 - ثريفيث 2020

² نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

ڒخذايم 27:2 ပူးပေါင်းရင်းမြစ်များ

لوقا 8:22

ئِجّن ن نْهَار ينْيَا عِيْسَى ذِي ثْغَرَّابُوْت اَك يمحْضَارن نّس ينَّا-ٱسن: "يَالَّاه أَ نزْوَام غَار وجمَّاض-ين ن ڒبْحَر." رُوْحن،

ڒخذايم 16:17

تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 17:1

عْذُوْن خ ثنْدِينْت ن ومْفِيپُـوْلِيس ذ ثنْدِينْت ن وپُـوْلُوْنْيَا، ؤُوْضن غَار ثنْدِينْت ن سَالُوْنِيك مَانِي ثدْجَا ذِنِّي يجّن ن ثمْزِيذَا ن أَيث-إِسْرَائِيل.

ڒخذايم 19:19

أَطَّاس ن يِوْذَان تُوْغَا ݣِّين سّْحُوْر ؤُوِين-د لْكُتُب نْسن سْحَرّْقن-ثن غَار بَرَّا زَّاث إِ كُڒْشِي. وَامِي حسْبن تَّمَن ن لْكُتُب نِّي، ؤُفِين خمْسِين اَڒَاف ن دِّينَار.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 2:9

يعْنِي ثَمُوْرْث ن بَارْدْيَا ذ مَادْيَا ذ عِيلَام، ذ يمزْذَاغ ن مِيسِيبُوْطَامْيَا ذ يَهُوْذِيَا ذ كَپْدُوْكْيَا، ذ پُـنْطُس ذ آسْيَا،

ڒخذايم 21:5

وَامِي ذَانغ ثقْضَا ذِنِّي ڒْوقْث نّغ نكَّر نفّغ بَاش أَ نْسِيْغِي خ ؤُسَفَر نّغ. مَارَّا يمحْضَارن رُوْحن اَكِذْنغ غَار بَارَّا ن ثنْدِينْت س ثمْغَارِين نْسن ذ ثَارْوَا نْسن، نرْكع خ يفَادّن نّغ خ يِجْذِي ن ڒبْحَر نࢲُّوْدْج.

ڒخذايم 28:10

وقَّرن-اَنغ ؤُشِين-اَنغ اَطَّاس ن ثْمسْڒَايِين. وَامِي نكَّر أَ نفّغ ذݣ وغَرَّابُو، ذبَّرن-اَنغ-د ڒْقشّ نِّي إِي نحْذَاج.

ڒخذايم 28:12

نُوْوض غَار ثنْدِينْت ن سَرَقُوْسَا نقِّيم ذَايس ثڒْتِيَّام.

ڒخذايم 28:16

نُوْذف ثَنْدِينْت ن رُوْمَا، ئِسْمح-اَس ڒْمخْزن إِ بُوْلُس اَذ يزْذغ وَاحْذس اَكِذس يقِّيم يجّن ن وعَسْكَارِي اَخَاس يعسّس.

ڒخذايم 28:2

ئِبَرْبَرِيْين ن ثْمُوْرْث نِّي ݣِّين ذَايْنغ ڒْخِير اَطَّاس. رحْبن زَّايْنغ مَارَّا، شعّْڒن-اَنغ ثِمسِّي مِينْزِي تُوْغَا ثسْمض عَاوذ يشَّاث ونْࢲَار.

أيث-كولوس 4:10

ئِسَاوَّاض-اَوم-د سْڒَام أَرِسْتَارْخُوْس ونِّي إِي كِذِي يدْجَان ذِي ڒحْبس-أَ. ئِسَاوَّاض-اَوم-د سْڒَام ؤُڒَا ذ مَرْقُس مِّيس ن عْزِيزس ن بَرْنَابَاس. تُوْغَا وصِّيغ-كنِّيو خ مَرْقُس-أَ مڒَا يُوْسَا-د غَارْوم رحّْبث زَّايس.

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.