ڒخذايم 26:5 - ثريفيث 2020

⁵ نِثْنِي سّْنن-اَيِي اَطَّاس زݣ وَامِي. مڒَا خْسن اَخَافِي شهْذن نش عِيشغ ذ اَفَرِّيسِي، ڒْحِزب نِّي يقسْحن اَطَّاس ذِي دِّين نّغ.

ڒخذايم 26:5 ပူးပေါင်းရင်းမြစ်များ

ڒخذايم 15:5

وَلَكِن كَّرن شَان ن ڒْمُوْمِنِين ڒْحِزب نْسن زݣ يفَرِّيسِيْين نَّان: ئِتْخصَّا وَا لَابُد اَذ طهَّارن يِنِّي وَار يدْجِين شَا زِي أَيث-إِسْرَائِيل، أَثن ثْوصَّام اَذ طَاعن إِ شَّرِيعا ن مُوْسَى.

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 22:5

أَرَّايس ن ڒْفُقَهَا ذ مَارَّا جْمَاعث ن يمقّْرَانن ن أَيث-إِسْرَائِيل نِثْنِي ذ ڒشْهُوْذ خ مَانَاينِّي. ؤُشِين-اَيِي اَرُّخْصَاث اَثنْت سِّيوْضغ غَار اَيثْمَاثْسن ذِي ثنْدِينْت ن دِمَشق. رُوْحغ ذِنِّي اَذ طّْفغ يوْذَان ن وبْرِيذ-أَ اَثن د اَوِيغ غَار لْقُدْس بَاش اَذ تْوَاعَاقْبن.

ڒخذايم 23:6

وَامِي يسّن بُوْلُس قَا شَا زَّايْسن زِي ڒْحِزْب ن يصَدُّوْقِيْين شَا نّغْنِي زِي ڒْحِزب ن يفَرِّسِيْين، ئِكَّر يڒَاغَا-د س جّْهذ ذِي جْمَاعث نِّي ن لْحُكَّام جَارَاسن ينَّا-ٱسن: "آي اَيثْمَا، قَا نش ذ اَفَرِّيسِي مِّيس ن يفَرِّيسِيْين! أَقَا تْحَاكَامم خَافِي وَامِي نش غَارِي لْأَمَال اَذ د كَّرن يِوْذَان زِي ڒْموْث ذِي لْقِيَامَا."

ڒخذايم 24:14

وَلَكِن قَّارغ-اَش نش تَعْتَرَافغ زَّاثش عبّْذغ أَربِّـي ن ڒجْذُوْذ نّغ عْلَاحْسَاب اَبْرِيذ-أَ إِي حسّْبن نِثْنِي زَعْمَا ذ لْبِدْعَا. تَامْنغ س مَارَّا مِين يتَافَاقن اَك شَّرِيعَا ذ مِين د يُوْرِين ذِي لْكُتُب ن لْأَنْبِيَا.

ڒخذايم 24:5

أَرْيَاز-أَ وَانِيتَا نُوْفِي-ث يتْخَارْوَاض وَاهَا يتݣّ لْفِيتْنَا جَار مَارَّا يسْرَائِيلِيْين إِي دْجَان ذِي مَارَّا دُّنشْت. نتَّا ذ يجّن ن اَرَّايس ن لْبِدْعَا ن نَّصَارَا.