ڒخذايم 26:24 - ثريفيث 2020

²⁴ بُوْلُس نتَّا اَقَاث عَاذ يسَّاوَاڒ يتْذَافَاع خ يِيخف نّس، ئِكَّر لْوَالِي فَسْتُوْس ينَّا-ٱس س جّْهذ: "آ بُوْلُس، شك مَا ثفْلِيپَّـاذ؟ ثْغُوْرِي نّش ثمْغَار قَا ثسْبُوْهڒِي-يِش!"

ڒخذايم 26:24 ပူးပေါင်းရင်းမြစ်များ

مرقس 3:21

وَامِي سْڒِين ڒحْبَاب نّس خ مَانَايَا، ؤُسِين-د حمَا اَث اَوِين اَكِذْسن نَّان قَا يرُوْح-اَس ڒَعْقڒ.

يوحنا 7:15

ئِسْرَائِيلِيْين ذهّْشن نَّان: "مَامّش يݣَّا نتَّا يسّن مِين ذَايْسن ذِي لْكُتُب أُو نتَّا وَار يغْرِي شَا؟"

يوحنا 8:48

نَّان-اَس يسْرَائِيلِيْين نِّي: "غَارْنغ ڒْحَقّ نِغ لَّا مڒَا ننَّا شك زِي سَمَارْيَا، ذَايك جْنُوْن؟"

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

ڒخذايم 17:32

يِيْنَا وَامِي تسْڒَان خ يِوْذَان اَذ د كَّرن زِي ڒْموْث ذِي لْقِيَامَا ضحْشن ڒبْعَاض خَاسن، وَلَكِن ڒبْعَاض نّغْنِي نَّان-اَس قَا نشِّين نخْس اَذَاش نْصنّط ثْوَاڒَا نّغْنِي خ مَانَايَا.

ڒخذايم 22:1

"آي اَيثْمَا آي يمْغَارن، صنّْطث-اَيِي مْلِيح ڒخُّو بَاش اَذ ذَافْعغ خ يِيخف ينُو!"

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

ڒخذايم 24:27

عْذُوْن ثْنَاين ن يسݣّْوُوْسَا، ئِذْوڒ-د بُوْرْكْيُوْس فَسْتُوْس ذݣ ومْشَان ن لْوَالِي فِيلِيكْس. وَلَكِن فِيلِيكْس يݣَّا-ٱسن ڒْخَاضَر إِ يسْرَائِيلِيْين، يجَّا بُوْلُس ذِي ڒحْبس.

ڒخذايم 26:11

مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

22 أيث-كورينث 5:13

شُوْف، مڒَا يرُوْح-اَنغ ڒَعْقڒ زَعْمَا، مَانَايَا جَارَانغ ذ أَربِّـي. مڒَا غَارْنغ ڒَعْقڒ، أَتَاف مَانَايَا مْلِيح إِ كنِّيو.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.